RFL
Kigali

Umukino wa Arsenal na Manchester City wongeye gusubikwa kubera Coronavirus - AMAFOTO

Yanditswe na: SAFARI Garcon
Taliki:11/03/2020 10:51
1


Umukino w’ikirarane muri shampiyona y’u Bwongereza wagombaga guhuza ikipe ya Arsenal na Manchester City kuri uyu wa Gatatu wasubitswe kubera kwikanga ko hari bamwe mu bakinnyi ba Arsenal banduye ku mukino wa Olympiakos mu byumweru bibiri bishize.



Nyuma yuko umuyobozi w’ikipe ya Olympiakos akaba n’umuyobozi w’ikipe ya Nottingham Forest yo mu cyiciro cya Kabiri mu bwongereza, Evangelos Marinakis, agaragaweho icyorezo cya Coronavirus, byateye ikikango mu bakinnyi ndetse n’abayobozi b’iyi kipe bashobora kuba barahuye nawe.

Mu byumweru bibiri bishize ikipe ya Olympiakos yari ku kibuga cya Emirates ikina na Arsenal muri Europa League, byanarangiye isezereye Arsenal muri iri rushanwa. Umuyobozi wa Olympiakos Evangelos Marinakis yari ku kibuga kandi yahuye na bamwe mu bakinnyi ba Arsenal ndetse yari yicaranye na bamwe mu bayobozi b’iyi kipe.

Itegeko riteganya ko uwaketsweho Coronavirus ashyirwa mu kato mu gihe cy’iminsi 14, nyuma akabona gusubira mu ruhame, iminsi 14 izashira ku wa Gatanu w’iki cyumweru ari nayo mpamvu umukino wa Manchester City wagombaga gukinwa kuri uyu wa Gatatu wasubitswe, gusa ariko umukino uzahuza Arsenal na Brighton kuri uyu wa Gatandatu wo ushobora kuzakinwa.

Umukino wa Arsenal na Manchester City niwo wa mbere usubitswe mu gihugu cy’u Bwongereza kubera icyorezo cya Coronavirus gihangayikishije abatuye Isi muri iki gihe.

Mu Bwongereza hitezwe ko naho bimwe mu bikorwa bya Siporo bishobora gusubikwa nkuko byagenze muri bimwe mu bihugu byo ku mugabane w’iburayi mu rwego rwo kwirinda icyorezo cya Coronavirus. 


Coronavirus yatumye umukino wa Arsenal na Man City usubikwa


Evangelos Marinakis uyobora ikipe ya Olympiakos na Nottingham Forest


Ntiharatangazwa igihe uyu mukino uzabera





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Ni emanweri kuberiki arisenal itjya mucapiyozirigi1 year ago
    Izina ni emanweri kubeki arisenal itagura abakinnyi





Inyarwanda BACKGROUND