Jose Mourinho ashobora gukubitwa umunyafu kubera gukurura izuru ry'umutoza wa Galatasaray

Amakuru dukesha Foot Mercato avuga ko Ishyirahamwe ry’Umupira w’Amaguru muri Turikiya riri kwiga ku bihano bishobora gufatirwa Mourinho, aho ashobora guhagarikwa kugeza shampiyona irangiye, bitewe n’uburemere bw’icyaha aregwa.

Mu gihe akanama k’imyitwarire kagaragaza ko Mourinho yakoze imyitwarire idakwiye umutoza w’umwuga, azahagarikwa imikino itatu. Ariko, naramuka ahamwe no gukora ihohotera (aggression), ashobora guhagarikwa imikino hagati ya 5 na 10.

Ibi ni inkuru mbi ku ikipe ya Fenerbahçe, Mourinho atoza, kuko isigaje imikino 9 ya shampiyona, kandi iri inyuma ya Galatasaray n’amanota 5, nubwo ifite umukino umwe itarakina. Guhagarikwa kwa Mourinho bishobora kugabanya amahirwe yo kwegukana igikombe.

Ibi bije nyuma y’uko ku munsi wakurikiye uwo mukino, ikipe ya Galatasaray yasohoye filime mbarankuru (cartoon) imeze nka South Park, igaragaramo Mourinho nk’umukinnyi nyamukuru, ibintu byafashwe nk’uburyo bwo gutoneka no kwibasira uyu mutoza ukunda kuvugisha benshi.

Jose Mourinho azwiho kuba atajya yihanganira gutsindwa, kandi kenshi akagaragaza imyitwarire itunguranye. Gusa, ibi bishobora kumuhesha ibihano bikomeye kandi bigira ingaruka ku ikipe ye iri mu rugamba rukomeye rwo kwegukana igikombe cya shampiyona.

Kubera igikorwa cyo gukurura izuru umutoza wa Galatasaray Jose Mporinho ashobora guhagarikwa kugera shampiyona irangiye