Impuzamashyirahamwe y'umupira w'amaguru ku mugabane w'Iburayi, UEFA, yaciye amande Kylian Mbappé, Antonio Rudiger na Dani Ceballos nyuma y'ibyo bakoze ubwo basezereraga Atletico Madrid muri 1/8 cya UEFA Champions League.
Mu Cyumweru gishize ni bwo UEFA yavuze ko yatangiye gukora iperereza ku bikorwa aba bakinnyi bakoze ubwo basezereraga Atletico Madrid muri 1/8 cya UEFA Champions League bitewe nuko bishobora kuba byararenze ku mategeko agenga imyitwarire yayo.
Antonio Rudiger yari akurikiranyweho ibyo yakoze ashyira ikiganza cye mu ijosi mu gihe Mbappe yarimo gukorwaho iperereza ku kimenyetso yakoze yerekana igitsina cye.
Vinicius Junior we yari akurikiranyweho ibyo kuba yaragiye imbere y'abafana ba Atletico Madrid agahangana nabo naho Ceballos utarakinnye uyu mukino kubera imvune nawe akurikiranyweho uko yagaragaye ahangana n'abafana ba Atletico Madrid.
Kuri ubu aba bakinnyi bafatiwe ibihano aho Antonio Rudiger yaciwe ibihumbi 40 by'Amayero, Kylian Mbappé akaba yaciwe ibihumbi 30 by'Amayero mu gihe Dani Ceballos we yaciwe agera ku bihumbi 20 by'Amayero. Aba bakinnyi bombi mu gihe basubiramo ibyo bakoze bazahanishwa gusiba umukino umwe wa UEFA Champions League.
Umunya-Brazil Vinicius Junior we yagizwe umwere nta bihano yafatiwe. Byari byitezwe ko aba bakinnyi bashobora kuzahanishwa gusiba umukino aho byari byitezwe ko waba ari uwa Arsenal gusa byarangiye atariko bigenze.
Kylian Mbappé na Dani Ceballos baciwe amande na UEFA
Antonio Rudiger yaciwe amande na UEFA naho Vinicius Junior arababarirwa
Eng
RSS 
TANGA IGITECYEREZO