Umuraperi Riderman mu minsi ishize yumvikanye avuga uburyo impamvu Hip Hop idakunzwe ari uko abaraperi bakwa ruswa ariko benshi muri bo bakaba badashobora kuyitanga bityo itangazamakuru rigahita ribakumira. Ubwo yabazwaga ikibazo nk’iki nanone Riderman ntiyigeze arya indimi.
Umunyamakuru wa Inyarwanda.com yatangiye abaza uyu muraperi ati” Mu minsi ishize wumvikanye uvuga ko abanyamakuru bakwaka ruswa, ese nibyo koko cyangwa hari ubundi butumwa washakaga gutanga?”, aha niho Riderman yahereye ahamya ukuri ko hari bamwe mu banyamakuru basaba abahanzai ruswa kugira ngo babakine.
Riderman yagize ati” Ntabwo nigeze ntunga urutoki umunyamakuru uwo ariwe wese ariko ni ukuri guhari ni ibintu bihari hari abanyamakuru baka ruswa kandi benshi, ni ibintu bihari ahubwo ni uko abantu bashaka kubishyira inyuma ariko ntekereza y'uko nkuko mfite album yitwa ‘ukuri’ tujye tubwizanya ukuri, iyo ufashe igisebe ntushyireho umuti ahubwo ugahitamo gupfuka ntabwo gikira, ahubwo ibyiza ni uko wagishyiraho umuti kigakira.”
Riderman yakomeje agira ati” Natwe icyo ni ikibazo gihari aho kugira ngo tugende tugihisha, tugica ku mpande, twagikemura tukaba mu Rwanda rwiza, tube mu Rwanda rwiza, u Rwanda ruzira ruswa aho buri wese ahabwa service akwiye atarinze kugira ikiguzi runaka kandi kitemewe.” Aha yongeyeho ko abivuze kugira ngo iki kibazo gikemuke burundu cyangwa kinanirane ariko abantu bumve ko ari ikibazo gihari kandi gihangayikishije.
Riderman ubwo yamurikaga album ye 'UKURI' mu gitaramo yakoze mu mpera z'umwaka ushize
Umunyamakuru yabajije uyu muraperi niba koko usibye kubyumva mu bihuha cyangwa ikindi nawe yaba umugabo wo guhamya iyo ruswa, abazwa niba hari uwigeze ayimusaba, maze Riderman agira ati ”Simuvuga izina ariko byambayeho, bibaho cyane, nanjye byambayeho kandi kenshi.”
Riderman yatangaje ibi mu gihe hari kuvugwa ruswa abahanzi baha abanyamakuru nubwo atari bose nkuko na Riderman yabitangaje, umuti w’iki kibazo ukaba utaraboneka nyamara mu gihe gikomeje guhindanya isura y’itangazamakuru ry’imyidagaduro hano mu Rwanda.
Eng
RSS 
TANGA IGITECYEREZO