Ni umwuga barambyemo! Abanyamideli 10 bahiga abandi mu gutunga agatubutse ku Isi - AMAFOTO

Ibijyanye n'imideli biza mu myanya y'imbere mu guhemba amafaranga afatika ku bakora ibijyanye na yo, by'umwihariko ababisobanukiwe kandi babikorana ubuhanga. 

Kugeza ubu, usanga hari bamwe mu bakora uyu mwuga babeshejweho na wo, bawukuyemo ubwamamare ndetse bawukesha n'ubutunzi bafite byihishe mu bikorwa bitandukanye bibabyarira inyungu umunsi ku wundi.

Dore abanyamideli 10 batunze agatubutse ku Isi mu 2025:

1.     Kylie Jenner

Kylie Jenner, umwe mu bagize umuryango w'aba-Kardashian, afite umutungo ubarirwa muri miliyoni $710. Yatangiye kumenyekana cyane mu 2007 ubwo yagaragaraga mu kiganiro cya televiziyo cy'umuryango we cyitwa "Keeping Up with the Kardashians". Mu 2015, yatangije uruganda rw’ibirungo by’ubwiza rwitwa Kylie Cosmetics, rwamuhinduye umuherwe. Uretse ibyo, akura ubutunzi bwe mu bikorwa bitandukanye birimo kumurika imideli, ibikorwa by'ubucuruzi, n'ubucuruzi bw'ibikoresho by'ubwiza.

2.     Kathy Ireland 

Kathy yatangiye urugendo rwe rwo kumurika imideli mu myaka ya 1980, nyuma aza kuba umwe mu banyamideli bakomeye ku Isi. Ubu, umutungo we ubarirwa muri miliyoni 500 z'amadolari y'Amerika. Uyu mutungo ahanini awukesha sosiyete ye y'ubucuruzi yitwa Kathy Ireland Worldwide, icuruza ibikoresho bitandukanye byo mu rugo, imyenda n'ibindi bicuruzwa.

3.     Gisele Bündchen 

Gisele Bündchen, umunyamideli w'umunya-Brazil, afite umutungo ubarirwa muri miliyoni 400 z’amadolari. Yatangiye kumurika imideli mu 1997, nyuma aza kuba umwe mu banyamideli b'ibyamamare ku isi. Uretse kumurika imideli, Gisele akura ubutunzi bwe mu bikorwa by'ubucuruzi birimo gutunganya imyenda, ibirungo by’ubwiza, ndetse no kuba ambasaderi w'ibigo bikomeye.

4.     Cindy Crawford 

Cindy Crawford, umunyamideli w'umunyamerika, afite umutungo ubarirwa muri miliyoni 225 $. Yatangiye kumurika imideli mu 1985, aza kuba ikimenyabose mu myaka ya 1990. Uretse kumurika imideli, Cindy akura ubutunzi bwe mu bikorwa by'ubucuruzi birimo gutunganya ibikoresho by'ubwiza, imyitozo ngororamubiri, ndetse no gukina amafilime.

5.     Heidi Klum

Heidi Klum, umunyamideli w'umudage, afite umutungo ubarirwa muri miliyoni 160 z’amadolari. Yatangiye kumurika imideli mu 1992. Uretse kumurika imideli, Heidi akura ubutunzi bwe mu bikorwa by'ubucuruzi birimo gutunganya imyenda, kuba umunyamakuru w'ibiganiro bya televiziyo, ndetse no gukina filime.

6.     Iman Abdulmajid

Iman Abdulmajid, umunyamideli w'umunya-Somaliya, afite umutungo ubarirwa muri miliyoni $100. Yatangiye kumurika imideli mu 1975, yamamara mu myaka ya 1980. Uretse kumurika imideli, Iman akura ubutunzi bwe mu bikorwa by'ubucuruzi bw’ibikoresho by'ubwiza, ndetse no gukina filime.

7.     Adriana Lima

Adriana Lima, umunyamideli w'umunya-Brazil, afite umutungo ubarirwa muri miliyoni 95 z’amadolari. Yatangiye kumurika imideli mu 1999, aza guhinduka umwe mu banyamideli b'ibyamamare kandi batunze agatubutse ku isi. Uretse kumurika imideli, Adriana akura ubutunzi bwe mu bikorwa by'ubucuruzi birimo gutunganya imyenda, ndetse no kuba ambasaderi w'ibigo bikomeye birimo n’icyitwa Victoria Secret.

8.     Elle Macpherson

Elle Macpherson, umunyamideli w'umunyamerika, afite umutungo ubarirwa muri miliyoni 95 z’amadolari. Yatangiye kumurika imideli mu 1982, amenyekana cyane mu myaka ya 1980. Uretse kumurika imideli, Elle akura ubutunzi bwe mu bikorwa by'ubucuruzi birimo gutunganya imyenda, ibirungo by’ubwiza, ndetse no kuba ambasaderi w'ibigo bikomeye.

9.     Tyra Banks

Tyra Banks, umunyamideli w'umunyamerika, afite umutungo ubarirwa muri miliyoni 90$. Yatangiye kumurika imideli mu 1991, aza kuba umwe mu banyamideli b'ibyamamare ku isi. Uretse kumurika imideli, Tyra akura ubutunzi bwe mu bikorwa by'ubucuruzi birimo gutunganya imyenda, kuba umunyamakuru uri mu bakomeye kuri televiziyo, ndetse no gukina filime.

10. Naomi Campbell 

Naomi yatangiye kumurika imideli mu myaka ya 1980, ariko kuri ubu ni umwe mu banyamideli b'ibyamamare ku Isi. Umutungo we ubarirwa muri miliyoni 80 z'amadolari y'Amerika, akaba awukesha kumurika imideli ku rwego mpuzamahanga, gukina filime, ndetse n'ibindi bikorwa by'ubucuruzi.