Muri iyi minsi umuraperi Riderman ari gukora ariko bikavugwa ko bitoroshye ngo uyu muraperi yongere yisubize izina rye muri muzika nyarwanda. Kuri ubu uyu muhanzi yatangarije Inyarwanda.com ko ahugiye ku gukora kuri album ye nshya yiteguye gushyira hanze.
Mu kiganiro Riderman yagiranye na Inyarwanda.com yatangaje ko muri iyi minsi ahugiye bikomeye ku gukora kuri album ye nshya azashyira hanze mu mpera z’uyu mwaka wa 2016. Uyu muraperi yavuze ko nk’ibisanzwe buri mwaka agomba gushyira hanze album ye nshya ndetse n’uyu mwaka akaba yiteguye kumurikira abakunzi be album ye nshya.
Riderman arashyira hanze album ye nshya tariki 25 Ukuboza 2016 kuri Petit stade i Remera, iyi album ya karindwi yise “Ukuri”,Riderman yagombaga kuba yayimuritse umwaka ushize wa 2015 aho yari kuyimurikira rimwe na Album ye ya gatandatu yise “Drame” nyamara ntibikunde bitewe n’uburyo uyu muraperi yari ahugiye mu kubanza kwita ku muryango we yari amaze amezi make yubatse.
Riderman aritegura kumurikira abanyarwanda album ye nshya
Album ya Riderman “Ukuri” azayimurikira abakunzi be nyuma y’imyaka ibiri atamurika album nyamara abitekereza dore ko mu mwaka wa 2014 uyu muhanzi yagombaga gukora igitaramo cyo kumurika album ye “Drame” ntibimukundire, umwaka wa 2015 atangaza ko azamurika album “Ukuri” ndetse na “Drame” yari yarararanye gusa nabwo ntibyakunda. Kuri iyi nshuro uyu muraperi akaba yiteguye kumurika album ye ya karindwi yise “Ukuri” iriho zimwe mu ndirimbo zamaze kugera hanze.
Riderman yatangaje ko mu kumurika iyi album azaboneraho kuririmba zimwe mu ndirimbo ze ziri kuri album ya “Drame” atigeze amurika, gusa indirimbo ziri kuri iyi album zikaba ziri hanze. Uyu muraperi akaba azaba abaye umwe mu bahanzi b’urungano rwe bagize album nyinshi dore ko atari benshi bafite album zirindwi.
Eng
RSS 
TANGA IGITECYEREZO