UEFA Champions League: Raphinha yafashije FC Barcelona kwihorera kuri Bayern Munich naho Manchester City iranyagira

Ni mu mikino yakinwe kuri uyu Wa Gatatu taliki ya 23 Ukwakira 2024. Umukino wari utegerejwe n'abenshi ni uwo ikipe ya FC Barcelona yari yakiriyemo FC Bayern Munich kuri Estadio Olimpico Lluis Companys.

Uyu mukino watangiye ikipe ya FC Barcelona itangirana igitego gitsinzwe na Raphinha ku munota wa mbere ku mupira yarahawe na Fermin Lopez aracenga kugeza ku munyezamu ubundi awutereka mu nshundura.

Nyuma yo gutsindwa ikipe ya FC Bayern Munich yatangiye gushaka uburyo bwo kwishyura dore ko no ku munota wa 10 Harry Kane yari yamaze gutsinda igitego ariko umusifuzi akavuga ko habayemo kurarira nyuma yo kujya kuri VAR.

Ku munota wa 18 iyi kipe yo mu Budage yaje ku kibona nabwo gitsinzwe na Harry Kane ku mupira yarahawe na Serge Gnabry.

Umukino wakomeje ikipe ya FC Barcelona ariyo yiharira mu bijyanye no guherekanya umupira ariko FC Barcelona akaba ariyo irema uburyo imbere y'izamu mu mwanya muto yabaga ifashwa umupira 

Ku munota wa 36 Robert Lewandowski yaje gutsinda igitego cya kabiri cya FC Barcelona ku mupira yarahawe na Fermin Lopez gusa nti yakishimira bijyanye nuko yatsindaga ikipe yavuyemo.

Mbere yuko igice cya mbere kirangira Umunya-Brazil, Raphinha yahawe umupira muremire na Marc Casado's ari mu rubuga rwabo arawirukankana aragenda yinjira mu rubuga rw'amahina atsinda igitego cya 3 cya FC Barcelona.

Mu gice cya kabiri ikipe ya FC Bayern Munich yaje n'ubundi ibijyanye no kwiharira umupira ibyiharira ndetse n'abakinnyi bayo nka Michael Olise bakagerageza amahirwe gusa ba myugariro ba FC Barcelona bagakomeza kuba ibamba.

Ku munota wa 56 iyi kipe yo muri Espagne yatsinze igitego cya 4 gitsinzwe na Raphinha watsindaga igitego cye cya 3 muri uyu mukino ku mupira yarahawe na Lamine Yamal aragenda asiga Kim Min Jae na Upamecano awutereka mu nshundura.

Amakipe yombi yaje gukora impinduka mu kibuga aho Vincent Kompany utoza FC Bayern Munich yakuyemo Michael Olise,Thomas Muller,Serge Gnabry na Joao Palinha hakajyamo Leroy Sane,Jamal Musiala, Kingsley Comam na Leon Goretzka mu gihe Hansi Flick utoza FC Barcelona we yakuyemo Fermin Lopez hakajyamo Frenkie De Jong.

FC Bayern Munich yashatse aho yamenera yishyura harabura birangira itsinzwe ibitego 4-1. Ikipe ya FC Barcelona yaherukaga gutsinda FC Bayern Munich muri 2015 ubwo yari yayitsinze ibitego 3-0 kuri Camp Nou Stadium.

Ikipe ya FC Bayern Munich isanzwe ari umwanzi as FC Barcelona bijyanye nuko buri gihe aho bahuriye iyitsinda ndetse abantu bakaba batibagirwa igihe yayinyagiraga ibitego 8 -2 muri 1/4 cya UEFA Champions League ya 2020.

Indi mikino yakinwe Saa kumi nebyiri n'iminota 45 ikipe ya Atlanta yo mu Butaliyani yari yakiriye Celtic yo muri Scotland kuri Gewiss Stadium banganyije 0-0 naho Brest yo mu Bufaransa yari yakiriye Bayer Leverkusen yo mu Budage kuri Stade du Roudourou banganya igitego 1-1.

Saa tatu z'ijoro ikipe ya Lille yari yakiriwe na Atletico Madrid yo muri Espagne kuri Civitas Metropolitano yayitsinze ibitego 3-1, Benfica yo muri Portugal yari yakiriye Feyenoord yo mu Buhorandi kuri Estádio do Sport Lisboa e Benfica itsindwa nayo ibitego 3-1 , Manchester City yo mu Bwongereza yari yakiriye Sparta Prague yo muri Czech Republic kuri Etihad Stadium iyinyahira ibitego 5-0.

Liverpool yo mu Bwongereza yari yakiriwe na RB Leipzig yo mu Budage kuri Red Bull Arena Leipzig yayitsinze igitego 1-0 cyatsinzwe na Darwin Nunez ku mupira yarahawe na Mohamed Salah,RB Salzburg yo muri Australia yari yakiriye Dinamo Zagreb yo muri Croatia kuri Red Bull Arena Salzburg itsindwa nayo ibitego 2-0 naho Young Boys yo mu Busuwisi yari yakiriye Inter Milan yo mu Budage kuri Wankdorf Stadium itsindwa nayo igitego 1-0.

Raphinha wafashije FC Barcelona kwihorera kuri FC Bayern Munich 

Darwin Nunez yishimira igitego yatsinze keep kigafasha Liverpool kwikura imbere ya RB Leipzig 

Phil Foden yishimira igitego yatsinze mu mukino Manchester City yanyagiyemo Sparta Prague