Rodri wa Man City ashobora kumara umwaka mu mvune

Ku Cyumweru, Manchester City yanganyije na Arsenal ibitego bibiri kuri bibiri mu mukino umunya Esipanye Rodri yavuye mu kibuga hakiri kare kubera kuvunika. 

Kuri uyu wa Mbere, abakunzi ba Manchester City bakiriye inkuru mbi cyane y'uko bishobora gutwara umwaka wose kugira ngo Rodri ukina mu kibuga hagati akire neza. 

Amakuru ava mu binyamakuru nka Marca na ESPN, avuga ko uyu mukinnyi yangiritse bikomeye mu ivi, imvune abaganga bita ACL Anterior Cluciate Ligament. 

Nubwo inzobere mu kuvura iyi mvune zatangaje ko isaba byibuze hagati y'amazi 10 na 12 ngo ikire neza, ntabwo Manchester City iremeza neza uko imvune ya Rodri ihagaze n'igihe ishobora kuzakirira. 

Rodri nubwo yavunitse bidasanzwe ni umwe mu bakinnyi bagize umwaka w'imikino ushyize mwiza, kuko ari mu bakinnyi bahabwa amahirwe yo kwegukana Ballon D'or.

Kuvunika kwa Rodri, byaje bisanga imvune ya Kevin De Bruyne, aho Pep Guardiola yavuze ko byibura azakina indi mikino ibiri adafite Kevin De Bruyne.

Imvune ya Rodri ukinira Manchester City ishobora kumara umwaka 

Rodri yavunitse mu mukino wa Manchester City na Arsenal