Shakira na Lewis Hamilton bakomeje kuvugisha benshi nyuma yo kurikesha mu kabari

Ibihuha by'urukundo hagati ya Shakira na Lewis Hamilton bikomeje kuvugisha benshi ku mbuga nkoranyambaga. Ikinyamakuru The Sun cyatangaje ko aba bombi bagaragaye mu kabari ka Tape London mu Bwongereza aho basangiriye bakahagumana kugeza mu gitondo.

Aba bombi basohokaniye muri aka kabari, bari bicaranye ku meza y’abanyacyubahiro (VIP), Bagiranye ibihe byiza nk'uko abari aho babitangarije The Sun. Shakira yavuye muri aka kabari ahagana mu ma saa kumi n'igice za mu gitondo.

Shakira na Hamilton basangiriye mu kabari i London barakesha

Icyakora, Hamilton yari ashishikajwe no gukomeza kwishimira ijoro kandi akomeza kubyina kugeza saa kumi n'ebyiri za mu gitondo mbere yo gusubira muri hoteri ye.

Umwe mu bakozi bakora muri Tape London, yatangarije The Sun ko Shakira na Lewis bari basabye ko abarimo batabafata amafoto cyangwa amashusho kugirango basangire bisanzuye. 

Basabye batafatwa amafoto cyangwa amashusho ubwo bari muri aka kabari

Amakuru avuga ko Shakira yageze i Londres, atagiye kwinezeza na Hamilton gusa, ahubwo ko yari aje no muri gahunda yo gutunganya alubumu ye nshya.

Kuva aba bombi bakeshereza mu kabari byatumye amakuru y'urukundo rwabo akomeza kuvugwa cyane ku mbuga nkoranyambaga aho benshi bavuze ko ibyabo atari ubushuti busanzwe ahubwo ko bari mu rukundo ndetse ko iki ari ikimenyetso kuba bamarana ijoro ryose bishimana.

Ibi byatije umurindi amakuru y'urukundo rwabo amaze iminsi avugwa