Malia Obama na murumuna we uheruka gusoza Kaminuza bitabiriye ibirori by’inshuti yabo-AMAFOTO

Nk'uko bigaragara mu binyamakuru bitandukanye, Malia Obama w’imyaka 24 na Sasha Obama w’imyaka 21, bari babucyereye mu myambaro y’ibirori.

Sasha yari yambaye imyambaro y’ibara ry’umukara inkweto zo mu ibara ry’umweru n'icyatsi anafite agakapu gato mu ntoki, mu gihe mukuru we Malia yari yambaye inkweto z’umukara, amarinete y’umukara n’ipantalo n’umupira by’umweru ahetse n'agakapu gato.

Mu bihe bitandukanye ababyeyi b’aba bakobwa bumvikana bavuga ko baterwa ishema nabo kandi ko bakora icyo bashoboye cyose ngo batume abana babo babaho mu buzima bifuza.

Kuwa 12 Gicurasi 2023 umuryango wose wa Barack Obama wari mu byishimo byo gusoza Kaminuza kwa Sasha Obama.

Sacha yatangiriye muri Kaminuza ya Michigan, aza gukomereza muri Kaminuza ya South Carolina ari nayo yasorejemo bigatera ibyishimo ababyeyi be n’umuvandimwe we umwe rukumbi Malia Obama.

Aba bakobwa bombi bakaba bari bato cyane ubwo Perezida Barack Obama yegukanaga umwanya wo kuba Umukuru w’igihugu wa Leta Zunze Ubumwe za Amerika.

Icyo gihe Malia Obama wabonye izuba kuwa 04 Nyakanaga 1998 yari afite imyaka 10 mu gihe Sasha Obama wabonye izuba kuwa 10 Kamena 2001 yari afite imyaka 7. Ababyeyi babo bakaba baremeranije kubana mu mwaka wa 1992.

Se yabaye Perezida wa Leta Zunze Ubumwe z’Amerika kuva muri 2008 asoza manda ze ebyiri yemererwa n'itegeko nshinga, muri Mutarama 2017.Abana ba Barack Obama bari babucyereye mu birori by'isabukuru y'inshuti yaboUbwo Barack, Michelle na Malia bitabiraga ibirori byo gusoza Kaminuza bya Sasha ObamaSasha Obama atambukana ibyishimo hamwe n'abandi banyeshuri ku munsi wo gusoza Kaminuza Akanyamuneza kari kose kuri Barack n'imfura ye Malia ObamaMichelle Obama afashe akaboko bucura bwe Sasha ObamaBurya ngo ibyishimo by'ababyeyi ni iterambere ry'abo bibarutse