Kigali

CAF yafatiye ibihano Gambia na Aubameyang kubera ibyabereye ku kibuga cy'indege i Banjul

Yanditswe na: SAFARI Garcon
Taliki:9/12/2020 15:36
0

Impuzamashyirahamwe y’Umupira w’Amaguru muri Afurika 'CAF' yatangaje ko yafatiye ibihano ndetse ikanaha gasopo igihugu cya Gambia na rutahizamu Pierre Emerick Aubameyang kubera uko bitwaye mu kibazo cyabereye ku kibuga cy'indege i Banjul muri Gambia.



CAF yaciye amande Ishyirahamwe ry’umupira w’amaguru muri Gambia (GFF) angana n'amadorali ibihumbi 100, kubera guheza ku kibuga cy'indege abakinnyi na staff ya Gabon, ndetse rutahizamu Aubameyang ahanishwa gutanga amande y'ibihumbi 10 by'amadorali kubera amagambo yanditse ku mbuga nkoranyambaga icyo gihe, atarahesheje isura nziza Afurika.

Gusa ibihumbi 50$ muri ayo mande, ntazishyurwa mu gihe federasiyo ya Gambia itazaba yongeye kugaragarwaho n’amakosa nk’ayo mu gihe cy’amezi 24.

Mbere y'umukino wa kane mu matsinda yo gushaka itike ya CAN 2021 izabera muri Cameroun mu 2022, ikipe y'igihugu ya Gabon yakiriwe na Gambia inayitsinda ibitego 2-1, Gabon yamaze amasaha atanu ku kibuga cy'indege yabuze uyakira, ndetse bigera aho abakinnyi baryama hasi bashashe ibikapo byabo barasinzira. Byababaje cyane abanya-Gabon, banabisangiza abatuye Isi binyuze ku mbuga nkoranyambaga.

Icyo gihe, Aubameyang yitabaje imbuga nkoranyambaga zirimo Instagram na Twitter, agaragaza ibihe barimo muri Gambia, ndetse anemeza ko umupira wa Afurika ugifite urugendo rukomeye mu gihe hari abagifite imyumvire idahwitse.

CAF yafashe aya magambo nko kuyiharabika no gusiga isura mbi umugabane wa Afurika, ahanishwa gucibwa amande y'ibihumbi 10 by'amadorali ariko anahabwa gasopo.

Nyuma y'uyu mukino warangiye Gambia ibatsinze ibitego 2-1, Aubameyang yavuze ko bahatanye kandi batsinzwe kigabo.

Abakinnyi ba Gabon baraye ku kibuga cy'indege i Bnjul

Ibyari bikubiye mu butumwa Aubameyang yanyujije ku mbuga nkoranyambaga

Aubameyang yahanishijwe gutanga ibihumbi 10 by'amadorali





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND