Incamake ku gitabo kivuga ku mategeko 48 yafasha umuntu kugera ku butegetsi

Iki gitabo gishingiye ku mateka, gisobanura amayeri yakoreshwaga n’abategetsi bakomeye, abajyanama b’ibwami, abanyapolitiki, n’abacurabwenge kuva kera.

Robert Greene yifashishije ingero z’abanyabubasha nka Napoleon Bonaparte, Niccolò Machiavelli, Sun Tzu, n’abandi, agaragaza uburyo imbaraga n’ubwenge bikoreshwa mu buzima bwa buri munsi, yaba mu bucuruzi, politiki, cyangwa imibanire y’abantu. 

Dore amwemumategeko 48 y’ingenzi:

1. Ntukigere urusha Shebuja ubwenge. Iri tegeko riravuga ko kutagaragaza ubwenge burenze ubw’abakuriye abandi bishobora kurinda umuntu kwibasirwa no gukekwaho ubuhangange bushobora kuba ikibazo.

2. Iga ubundi buryo bugoye gutahura. Kugira ubwiru no gutuma abandi badatahura neza intego zawe bikurinda abanzi n’abashobora kuguhiga.

3. Vuga bike, wumve byinshi. Abantu bavugira mu ruhame ibitekerezo byabo byose baba batanga uburenganzira bwo kugabwaho ibitero. Kugira ibanga ni imwe mu nzira yo kurinda ububasha bwawe.

4. Saba abantu ku bw’inyungu zabo aho gusaba imbabazi. Aho gutuma abantu bagira impuhwe, ni byiza kubereka ko icyo ubasaba kizabagirira akamaro.

5. Guma mu cyiciro cyo kwibazwaho. Ntiwihutire kugaragaza ibitekerezo byawe byose. Kuba umuntu ushidikanywaho bituma abandi bakomeza ku kwibazaho, bigaha agaciro icyifuzo cyawe cyo kuba igihangange.

6. Menya uko wigarurira imitima y’abagukikije. Kugira ubushobozi bwo gutuma abantu bagukunda no kugufasha ni kimwe mu birinda umuntu kuba ubutegetsi bwe bwasenyuka vuba.

7. Ntukigere ugaragaza intege nke cyangwa amarangamutima cyane. Iri ni ihame rikoreshwa cyane mu bayobozi, aho kugaragaza imbaraga no kwihagararaho bifatwa nk’intwaro yo gukomeza ubutware.

Nubwo hari abakibona nk’igitabo cyigisha amayeri arimo ubuhemu, abandi bagisoma nk’inyandiko y’ubushishozi, igaragaza uko isi ikora n’uko umuntu ashobora kurinda ububasha bwe.

Mu gusoza, The 48 Laws of Power ni igitabo cyigisha ibanga ry’ubutegetsi, uburyo bwo kugumana icyubahiro, n’ukuntu umuntu ashobora kwirinda kugwa mu mutego w’abamurwanya.