Nicolas Cage arashinjwa n'umugore we mu kugira uruhare mu ihohoterwa yakorewe n'umuhungu wabo

Christina Fulton wahoze ari umukunzi wa Nicolas Cage, yatanze ikirego asaba indishyi kubera ibikomere bikomeye avuga ko yagize nyuma y'uko umuhungu wabo, Weston Cage, yamuteye. 

Uyu mugore w’imyaka 57 avuga ko Weston, w’imyaka 34 yamukubise. Muri iki kirego, Fulton arimo asaba indishyi z’akababaro, harimo n’imyuka, ku bw'uko ibyo byabaye byamuteje uburibwe bukabije.

Fulton arimo arega Weston Cage kuba yaramuteye ibikomere bikomeye kubera kumukubita, anavuga ko Nicolas Cage, se w’umuhungu, atagize icyo akora ngo ahagarike imyitwarire mibi y’umuhungu we. 

Mu kirego, Fulton avuga ko Cage yamenye neza amateka n’imibereho bya Weston, harimo ibibazo byo mu mutwe no guhangayika, ariko akomeza kumufasha harimo no kumugurira inzu hafi y’aho we atuye.

Kuri ubu, Cage arasabwa kwishyura indishyi zitatangajwe, ku bw'ibikomere uyu mugore yatewe na Weston mu gihe cy’ibi bikorwa by’urugomo. Avugana n'abanyamakuru, umwunganizi wa Nicolas Cage, Brian Wolf, yavuze ko iki kirego ari kidafatika kandi ko Nicolas Cage atagira uruhare mu myitwarire ya Weston.

Mu kirego cya Fulton, avuga ko yafashe icyemezo cyo gusura umuhungu we kuri tariki ya 28 Mata 2024, nyuma yo kwakira ubutumwa bwihutirwa avuye ku nshuti ze, avuga ko Weston yari mu bibazo bikomeye by’ubuzima. 

Iyo nkuru itangaza ko yageze aho umwana we atuye ahita amukubita mu buryo budasanzwe bari aho imodoka ziparika, ndetse no mu cyumba cyo kwakirira ibintu byamugizeho ingaruka zikomeye, zirimo kugira umuhangayiko, ibikomere mu gituza, ndetse no gutakaza ubushobozi bwo kumva.

Mu rwego rw'amategeko, umwunganizi wa Weston, Michael A. Goldstein, yavuze ko iki kirego kiri mu murongo w’ibibazo bya Fulton, avuga ko byerekana uburyo abashaka kurya ku mutungo we, akaba akora ibi byose. ubera iyi mpamvu. 

Yongeraho ko Fulton yemeje ko umwana we yari muri gahunda y'ubuvuzi bwo mu mutwe ubwo ibi byabaga, bikaba bishimangira ko ikibazo cya Weston kirebana n’ubuzima bwo mu mutwe.

Muri ibi byose, umwunganizi wa Fulton, Joseph Farzam, yemeje ko amategeko asobanutse neza ko ababyeyi bashobora kugira uruhare mu bibazo by’abana bafite ibibazo by’ubuzima bwo mu mutwe, cyane cyane niba batabasha kwifasha. 

Ariko yemeje ko amategeko y’ubutabera ashobora kubuza Nicolas Cage gukomeza gufasha Weston, ahubwo akwiye guhindura imyumvire no gukuraho inkunga ye mu rwego rwo kurinda ikibazo kirenzeho.

Uyu wahoze ari umukunzi wa Nicolas Cage Fulton si ubwa mbere areze uyu mukinnyi wa filime bakundanye kuva mu 1988-1991, ari na bwo babyaranye uyu mwana wabo. 

Christina Fulton n'umuhungu we Weston Cage yabyaranye na Nicolas Cage

Umukinnyi wa filime Nicolas Cage n'umuhungu we Weston Cage yabyaranye na Christina Fulton, bahoze bakundana