Umuhanzi Itahiwacu Bruce wamamaye nka Bruce Melodie yagaragaje ifoto ari kumwe na Ambasaderi Prosper Higiro yafashwe ubwo yari asoje urugendo rw'ibitaramo muri Canada.
Uyu mugabo ugezweho muri iki gihe binyuze mu ndirimbo "Iyo foto" yakoranye na Bien-Aime Baraza, ari mu Rwanda kuva mu mpera za 'Weekend' ishize nk'uko amakuru agera kuri InyaRwanda abihamya.
Yasohoye ifoto mu ijoro ryo kuri uyu wa Gatatu tariki 27 Ugushyingo 2024, mu rwego rwo kugaragaza ko ibitaramo yakoreye muri Canada byanamufashije kwakirwa na Ambasaderi Higiro Prosper uhagarariye u Rwanda muri Canada.
Asohoye iyi foto kandi mu gihe hacicikanye amakuru avuga ko ari muri Leta Zunze Ubumwe za Amerika n'umujyanama we Coach Gael.
Mu butumwa bwe bwo kuri Instagram nyuma yo guhura na Ambasaderi Higiro, Bruce Melodie yavuze 'Ntewe ishema no guhagararira u Rwanda ku rwego mpuzamahanga no kumenyekanisha umuco warwo, impano, n'ububanyi n'amahanga'.
Mu bihe bitandukanye, uyu muhanzi yagiye yakirwa na ba Ambasaderi, ndetse akagaragaza ko bivuze ikintu kinini ku muziki we.
Bruce Melodie amaze iminsi ari gukora kuri Album ye nshya, ndetse byitezwe ko ku wa Gatanu w'icyumweru kiri imbere azatangaza gahunda yo kuyimurika.
Ni Album imaze igihe kinini itegerejwe, ndetse yafashe umwanya wo guhitamo buri ndirimbo nziza izaba iriho.
Arateganya kuzakora umugoroba wo kuyimurika cyangwa se, igitaramo cyihariye muri rusange.
Bruce Melodie yasohoye ifoto imugaragaza ari kumwe na Ambasaderi Higiro nyuma y'ibiganiro bagiranye
Eng
RSS 
TANGA IGITECYEREZO