Manchester United yasinyishije rutahizamu Jossua Zirkzee

Kuri uyu wa Kane, Manchester United ibarizwa mu Bwongereza yasinyishije rutahizamu Jossua Zirkzee, aba umukinnyi wa mbere usinyiye iyi kipe kuva yajya mu biganza bya INEOS.

Manchester United yasinyishije Jossua Zirkzee 

Umuhorandi Jossua Zirkzee ni umwe mu bakinnyi bari bari gufasha ikipe y'igihugu y'u Buhorandi mu mikino ya Euro iri kubera mu Budage, gusa mu ijoro ryo ku wa Gatatu, basezerewe nyuma yo gutsindwa n'u Bwongereza ibitego bibiri kuri kimwe.

Inkuru dukesha umunyamakuru w'imikino ukomoka mu Butaliyani, Fabrizio Romano, ivuga ko umuhorandi Jossua Zirkzee yasinye amasezerano y'imyaka itanu yatakira Manchester United, bisobanuye ko ari amasezerano azarangira muri 2029.

Jossua Zirkzee, mu busatirizi bwa Manchester United agiye gufatanya na Rasmus Hojlund ukomoka muri Denmark. Ukurikije imibare aba bakinnyi bombi bagize mu mwaka w'imikino 2023-24, buri umwe yagize umwaka mwiza w'imikino.

Jossua Zirkzee wari muri Bologna yatsinze ibitego 11 muri Serie A, atanga imipira ine yabyaye ibitego. Ni mu gihe Rasmus Hojlund we yatsinze ibitego 10 muri English Premier League, atanga imipira ibiri yabyaye ibindi.

Manchester United yasinyishije rutahizamu wakiniraga Bologna mu Butaliyani Jossua Zirkzee 

Jossua Zirkzee agiye kunganira busatirizi bwa Manchester United burimo Marcus Rashford na Rasmus Hojlund