RFL
Kigali

COVID-19: Vipers SC yegukanye igikombe cya shampiyona ya Uganda 2019/20

Yanditswe na: SAFARI Garcon
Taliki:20/05/2020 16:13
0


Ishyirahamwe ry’umupira w’amaguru muri Uganda FUFA, ryamaze kwemeza ko ikipe ya Vipers ari yo yegukanye igikombe cya shampiyona muri uyu mwaka w’imikino wa 2019/20, nyuma y'uko ihagaritswe kubera icyorezo cya Coronavirus cyibasiye Isi, Vipers ariyo iyoboye urutonde rwa shampiyona.



Muri Werurwe 2020, ni bwo Shampiyona ya Uganda yahagaritswe hamaze gukinwa imikino 25, icyo gihe Vipers niyo yari iyoboye urutonde rwa shampiyona n’amanota 54, aho yarushaga KCCA ya kabiri amanota ane.

FUFA ishingiye ku itegeko iri shyirahamwe rigenderaho ku itangwa ry’igikombe cya Shampiyona mu gihe bibaye ngombwa ko shampiyona ihagarara kubera impamvu runaka.

Iri tegeko rivuga ko shampiyona iramutse ihagaze amakipe yose amaze gukina 75%, ikipe yari ku mwanya wa mbere ari yo ihita ihabwa igikombe, urutonde rugakurikizwa uko rwari rumeze ku munsi shampiyona yasubikiweho.

FUFA yahise yemeza ko ikipe ya Vipers ari yo yegukanye igikombe cya shampiyona muri uyu mwaka w’imikino wa 2019/2020.

Iri shyirahamwe kandi ryemeje ko Proline yari iherutse guhagararira Uganda muri CAF Confederation Cup, isubira mu cyiciro cya kabiri hamwe na Maroons ndetse na Tooro United.

Amakipe ya MYDA na UPDF zo zamaze kwemererwa kuzamuka mu cyiciro cya mbere, indi kipe imwe yiyongera kuri aya izava hagati ya Kiboga Young, Kitara, Ndejje University na Kataka, nyuma yo gukina imikino ya kamarampaka izwi nka ‘Playoff’ mbere y’uko umwaka utaha w’imikino utangira.


Uko shampiyona yahagaze amakipe akurikirana ku rutonde rwa shampiyona ya Uganda 


Vipers SC niyo izahabwa igikombe cya shampiyona ya Uganda mu mwaka w'imikino wa 2019/20





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND