Juventus de Turin yemeje ko myugariro wayo Daniele Rugani yanduye Coronavirus

Daniele Rugani w'imyaka 25, ubu yashyizwe mu kato, kimwe n'abantu bose bahuye nawe nk'uko ubuyobozi bw’ikipe ya Juventus bwabitangaje.

Ibikorwa byose by'imikino mu Butaliyani byarahagaritswe kugeza tariki 03 z'ukwezi kwa kane, mu gihe kandi mu Butaliyani ibikorwa byinshi mu buzima busanzwe byahagaritswe.

Rugani, ku cyumweru yari ku ntebe y'abasimbura b'ikipe ya Juventus  ubwo yatsindaga Inter Milan ibitego bibiri ku busa. Rugani kandi asanzwe ari umukinnyi w'ikipe y'igihugu y'Ubutaliyani.

Ku cyumweru, yagaragaje ifoto yo mu rwambariro rw'abakinnyi ari kumwe na bagenzi be bishimira intsinzi bari bavanye kuri Inter Milan.

Rugani amaze gukinira Juventus imikino irindwi gusa muri uyu mwaka w’imikino ndetse mu mukino ikipe ye iheruka gutsindamo Inter Milan ibitego 2-0 ku Cyumweru, yari umusimbura utarakoreshejwe.

Uyu mukinnyi umaze gutwarana ibikombe bine bya Shampiyona na Juventus, yakiniye u Butaliyani imikino irindwi, aho aheruka guhamagarwa mu ikipe y’igihugu mu 2018.

Rugani yagaragaye mu rwambariro ku cyumweru yishimira intsinzi na bagenzi be ku mukino wa Inter Milan

Rugani yabaye umukinnyi wa mbere ugaragaweho Coronavirus mu Butaliyani