N'Golo Kante azamara hanze y’ikibuga ibyumweru bitatu kubera imvune - AMAFOTO

N'Golo Kante w’imyaka 28 y’amavuko, ukina mu kibuga hagati wegukanye igikombe cy’Isi mu myaka ibiri ishize  ari kumwe n’ikipe y'igihugu cye cy'Ubufansa yavunikiye mu mukino Chelsea yatsinzwemo na Manchester United 2-0 ku wa Mbere w'icyumweru gishize, abaganga ntibareme4za neza igihe agomba kumara hanze y’ikibuga ibyemweru bitari munsi ya bitatu.

Iyi mvune ni inkuru mbi cyane kuri Chelsea ifite imikino itandatu ya shampiyona n'iy'ibikombe by'andi marushanwa mu byumweru bitatu.

Lampard yagize ati: " afite imvune ku bizigira, isa n'iyo yagize mu mukino wa Arsenal,".

Imvune ya Kante ije mu bihe bikomeye bya shampiyona ku ikipe ye ya Chelsea.

Chelsea izakina na Bayern Munich muri kimwe cya munani (1/8) mu mukino wo kwishyura uzaba mu minsi 10 mu kwezi kwa Gatatu.

Chelsea iri ku mwanya wa kane muri shampiyona y'Ubwongereza, Premier League, ariko itaratsinda mu mikino ine iheruka, izakira Tottenham mu mukino ukomeye uzaba ku wa gatandatu (12:30 ku isaha mpuzamasaha ya GMT).

Nyuma, bazakurikizaho Liverpool mu irushanwa ry'igikombe cya FA ku itariki ya gatatu z'ukwezi kwa gatatu (3/3/2020). Nyuma y'uyu mukino, Chelsea izahita ijya i Bournemouth, ikurikizeho Everton.

Kante watsindiye igikombe cya shampiyona akinira Leicester City muri 2016 akongera kugitsindira akinira Chelsea mu mwaka wakurikiyeho wa 2017, amaze igihe afite ibibazo by'imvune muri uyu mwaka w'imikino kandi yatangiye imikino 16 gusa muri 26 Chelsea imaze gukina muri shampiyona.

Kante yavunikiye mu mukino wa Manchester United

Kante yarababaye ku buryo azamara ibyumweru bitatu hanze y'ikibuga

Kante ni umwe mu bakinnyi bafatiye runini Chelsea mu kibuga hagati

Kante yasohowe hanze y'ikibuga ababara