Nkizingabo Fiston wahoze ari umukinnyi ukina yicuma agana imbere mu ikipe ya APR FC n’Isonga FC yasinye amasezerano y’imyaka ibiri muri AS Kigali, ikipe iri kwitegura kwakira KMC muri Total CAF Confederation Cup.
AS Kigali
yasinyishije Nkizingabo Fiston nyuma y’aho uyu mukinnyi yisanze ku rutonde rw’abakinnyi
ikipe ya APR FC itazifashisha mu mwaka w’imikino 2019-2020 ugomba gutangira
kuwa 13 Nzeli 2019.
Mbere ya
2009, Nkizingabo Fiston yakiniraga ikipe yitwa Imena Football Training Center,
ikipe y’abana bakiri bato.
Mu 2009 ni
bwo yaje kwisanga mu bana bagombaga kujya mu ikipe y’abato ya APR FC, bikaba
byari ku nshuro ya mbere kuri gahunda ya APR FC yo gushyiraho ikipe y’abato.
Nyuma gato
yaje kujya mu Isonga FA akinamo igihe gito aza kuhava ajya muri Espagne mu
2014-2015 ajya gukomeza gahunda yo kunononsora ibijyanye no guconga ruhago
agaruka muri Kanama 2014.
Nkizingabo Fiston yasinye imyaka ibiri muri AS Kigali
Icyo gihe,
Nkizingabo yari kumwe na Neza Anderson (yahagaritse umupira) ndetse na Rwigema
Yves (Umaze iminsi muri Bugesera FC).
Nyuma yaje
kugaruka muri APR FC mu 2014 mbere yo gutandukana nayo mu mpera z’umwaka w’imikino
2018-2019.
Eng
RSS 
TANGA IGITECYEREZO