Basketball: Imikino ya Playoffs 2019 yatangiye REG itsinda Espoir BBC, APR ikangura Patriots BBC - AMAFOTO

Playoffs ni imikino ihuza amakipe ane aba yarasoje mu myanya ine ya mbere muri shampiyona, bityo agatomborana mu buryo iya mbere ihura n’iya kane naho iya gatatu igahura n’iya kabiri.

Muri iyi mikino rero, ikipe ya REG BBC ya mbere yahuye na Espoir BBC yasoje shampiyona 2018-2019 ari iya kane mu gihe Patriots BBC ya kabiri yahuye na APR BBC ya gatatu.

REG BBC yatangiye itsinda Espoir BBC amanota 85-52 mu mukino wa mbere aya makipe yahuyemo bigahura n’uko Espoir BBC wabonaga idafite imbaraga isanganwe iyo ihatana n’amakipe manini nka REG na Patriots BBC.

Kubanatubane Jean Phillippe ashaska aho yanyuza umupira hagati ya Chris Walter Nkurunziza (0) na Kami Kabange Milambwe (20)

Kaje Elie wa REG BBC ahana ikosa 

Agace ka mbere karangiye REG BBC iri hejuru n’amanota 29 mu gihe Espoir BBC bari bafite amanota umunani (8). Agace ka kabiri kasize amakipe yombi anganya amanota 14-14.

Agace ka kane karangiye REG BBC itsinze amanota 14 mu gihe Espoir BBC bari bafite amanota 13 mbere yo kuba REG BBC yari yatsinze Espoir BBC amanota 28-17 mu gace ka gatatu bityo bikanasiga ikinyuranyo cyagoye Espoir BBC.

Beleck Bell ukinira REG BBC yasoje umukino ahiga abandi mu manota kuko yatsinze 18 aza akurikiwe na Kamilindi Olivier (Espoir BBC) watsinze amanota 16.

Beleck Bell (32) yatsinze amanota 18 mu mukino 

Shyaka Olivier (REG BBC) yatsinze amanota 13 anganya na Sangwe Armel (Espoir BBC) nawe watsinze amanota 13.

Shyaka Olivier (10) yatsinze amanota 13 mu mukino

Kami Kabange Milambwe (REG BBC) yatsinze amanota 11 mu mukino mu gihe Habineza Shaffy (Espoir BBC) yasoje afite amanota icumi (10).

Kami Kabange Milambwe wa REG BBC yatsinze amanota 11 

Habineza Shaffy (Espoir BBC) yarushije abandi gukiza inkangara (Rebounds) kuko yabikoze inshuro 11 mu gihe Shyaka Olivier (REG BBC) yabikoze inshuro icyenda (9).

Sangwe Armel (Espoir BBC) yahize abandi mu gutanga imipira ibyara amanota (Assists) kuko yatanze imipira itandatu (6) mu gihe Kubwimana Kazingu Ally kapiteni wa REG BBC yabikoze inshuro eshanu (5) mu mukino.

Kubwimana Kazingufu Ally kapiteni wa REG BBC yereka bagenzi be uko bagomba guhagarara

Basketball yabaye umuyoboro mwiza wo kuryoshya umugoroba w'uwa Gatanu 

Kami Kabange ku mupira imbere ya Habineza Shaffy (30)

Kaje Elie (13) abyigana na Kamilindi Olivier 

Uyu mukino wabanjirijwe n’uwo APR BBC yatunguriyemo Patriots BBC ikayitsinda amanota 87-80 (17-9, 19-18, 18-32 na 14-7).

Niyonkuru Pascal bita Kaceka wa APR BBC yatsinze amanota 20 mu mukino mu gihe Kasongo Aubin Junior (Patriots BBC) yamukurikiye n’amanota 16.

Imikino yo kwishyura biteganyijwe ko ikomeza kuri uyu wa Gatandatu tariki 13 Nyakanga 2019 muri sitade nto ya Remera.

Nshobozwabyosenumukiza Jean Jacques Wilson (4) imbere ya Kubanatubane Jean Phillippe (2)

Nshizirungu Patrick LeBron umukinnyi wa REG BBC ukiri muto mu myaka

Habineza Shaffy umwe mu bakinnyi bagenda bazamura urwego umunsi ku wundi

Dore uko imikino yagenze:

FT: REG BBC 85-52 Espoir BBC

Q1: REG BBC 29-8 Espoir BBC

Q2: REG BBC 14-14 Espoir BBC

Q3:REG BBC 28-17 Espoir BBC

Q4: REG BBC 14-13 Espoir BBC

FT: Patriots BBC 80-87 APR BBC

Nkurunziza Chris Walter (0) ashaka amanota   

Espoir BBC batakaje umukino wa mbere 

Sangwe Armel na Nkurunziza Chris Walter munsi y'inkangara 

Nkundwa (7) imbere ya Beleck Bell (32)

Kazeneza Emile Galois ashaka amanota ya Espoir BBC nka kapiteni

MC Bryan aba yabucyereye muri iyi mikino

Abasifuzi b'umukino

Kubanatubane Jean Phillippe umukinnyi wa Espoir BBC wanaciye muei RP-IPRC Kigali BBC