RFL
Kigali

VOLLEYBALL: REG VC yatwaye igikombe cya shampiyona 2018-2019 ihigitse mucyeba Gisagara VC-AMAFOTO

Yanditswe na: Mihigo Saddam
Taliki:20/05/2019 6:05
0


Shampiyona y’igihugu y’umukino w’intoki wa Volleyball yashyizweho akadomo itwarwa na REG Volleyball Club nyuma yo gutsinda Gisagara VC imikino 2-1 nk’igiteranyo rusange cy’imikino ya kamara mpaka (Playoffs) yasojwe ku mugoroba w’uyu wa Gatandatu.



Mu mukino wa nyuma wa Playoffs wahuje aya makipe, ikipe ya REG VC yatsinze Gisagara VC amaseti 3-0 (25-23, 25-21 na 25-18).

Uyu mukino wari uwa gatatu kuri aya makipe akina hagati yayo kuko ku ikubitiro REG VC yatsinze Gisagara VC amaseti 3-0 (25-23, 25-23 na 30-28). Umukino wari wakiniwe i Kigali wakiriwe na REG VC.


REG VC bateruye igikombe cya shampiyona 2018-2019

Nyuma REG VC yagiye mu karere ka Gisagara, intara y’amajyepfo yishyurirwayo amaseti 3-0 (25-22, 25-21, 25-17), nibwo rero kuri uyu wa Gatandatu tariki 18 Gicurasi 2019 bakinaga umukino wa nyuma wari ishiraniro kuko aya makipe yamaze kugaragaza ko ariyo ahanganye mu buryo budasanzwe (Rivals).

Mukunzi Gasarasi Christophe wa REG VC akaba na kapiteni w’ikipe y’igihugu yabaye umukinnyi wahize abandi muri shampiyona 2018-2019 (MVP).


Mukunzi Gasarasi Christophe ahabwa igihembo cya MVP 2018-2019

Ntagengwa Olivier wa REG VC yahembwe nk’umukinnyi urusha abandi ibijyanye no gusatira umupira akawuhamya aturutse kure cyane (Outside Attacker), Niyogisubizo Samuek Tyson (UTB VC) yahembwe nk’umukinnyi urusha abandi gutera neza imipira hamwe atarebana n’uwawumuhaye (Opposite Attacker), Djibril aba umukinnyi mwiza ushobora kuzibira imipira ava hagati mu gihe Mahoro Ivan (UTB VC) arusha abandi gutanga imipira naho Karera Dada (Gisagara VC) yabaye umuhanga mu kugarura imipira ya mbere iva mu ikipe baba bahanganye.


Abakinnyi bitwaye neza bahabwa ibihembo byihariye (Individual Awards)


Ntagengwa Olivier ahabwa igihembo 


Depite Bugingo Emmanuel (Iburyo) yari mu muhango wo gusoza shampiyona 2018-2019



REG VC bishimira amanota 


REG Volleyball Club 2018-2019 yatwaye igikombe cya shampiyona

PHOTOS: Shema Innocent (REG Volleyball Club)





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND