BUGESERA: Ikigo Gasore Serge Foundation cyahawe ishimwe mu imurika bikorwa –AMAFOTO

Muri iki gikorwa cyo gutanga ishimwe ku bigo cyangwa abafanyabikorwa mu iterambere ry’Akarere ka Bugesera, Mutabazi Richard umuyobozi w’akarere yashimiye ibigo bitatu byakoze neza kurusha ibindi, bihabwa irindi shimwe ryihariye (Certificate of Appreciation) nk’abantu bagize uruhare rugaragara mu kwesa imihigo y’akarere ka Bugesera.

Ubwo ikigo Gasore Serge Foundation cyahabwaga ishimwe ryo ku rwego rwisumbuye, Uwamahoro Innocente ni we washyikirijwe iri shimwe 

Mu bafatanyabikorwa mu iterambere ry’Akarere ka Bugesera bahawe iri shimwe, Gasore Serge Foundation, ikigo kibarizwa i Ntarama mu Karere ka Bugesera nacyo cyajemo bitewe n’uruhare kigira mu iterambere ry’akarere mu ngeri zose zaba ubuzima, ubukungu, siporo, umuco n’ibindi.

Mutabazi Richard umuyobozi w'akarere ka Bugesera ubwo yari ageze aho Gasore Serge Foundation bamurikiraga ubukorikori bukorerwa muri iki kigo

Gasore Serge Foundation yahawe “certificate  of appreciation” kubera gahunda yo kurwanya imirire mibi, iyi certificate yahawe abafatanyabikorwa batatu muri 62 bakorera mu karere ka Bugesera. GSF, WATER Aide, na MACAGARIA ni bo bahawe iri shimwe.

Abafatanyabikorwa mu iterambere ry'akarere ka Bugesera bose bahawe ishimwe rusange mu ruhare bagira mu kwesa imihigo y'akarere