Ku mugoroba w’uyuwa Gatanu ubwo hakinwaga imikino y’umunsi wa cumi wa shampiyona ya Basketball 2018-2019, ikipe ya Espoir BBC yatsinze Patriots BBC amanota 61-59 bituma Espoir BBC ikomeza gushinga imizi mu makipe ane ya mbere azagira amahirwe yo guhatanira igikombe biciye mu mikino ya kamara mpaka (Playoffs).
Muri uyu
mukino, abakinnyi ba Espoir BBC barimo Sangwe Armel na Kazeneza Emile Galois
kapiteni w’iyi kipe, bagize uruhare runini mu gutuma ikipe ya Patriots BBC
yiganjemo abakinnyi bafite ubunararibonye ibura amanota abiri y’umunsi.
Sangwe Armel acenga ashaka inzira mu bakinnyi ba Patriots BBC
Sangwe Armel ni we warushije abandi kureba mu nkangara kuko yatsinze amanota 19 mu mukino mu gihe Kazeneza Emmile Galois amuza hafi n’amanota 17 naho Ruzigande Ally wa Patriots BBC akaba uwa gatatu n’manota 16 anganya na Hagumintwari Steve bakinana kuko nawe yatsinze amanota 16. Sagamba Sedar (Patriots BBC) yatsinze amanota 12.
Sangwe Armel ni we ufite amanota menshi mu mukino (19)
Muri rusange
ni umukino ikipe ya Espoir BBC itahabwaga amahirwe yo kuba yawutsinda kuko no
mu mukino nyirizina byatangiye bihengamiye kuri Patriots BBC yatangiye agace ka
mbere itsinda amanota 17-11.
Agace ka
kabiri Espoir BBC yagarutse mu mukino itsinda amanota 15-13. Mu gace ka gatatu
nibwo Espoir BBC yaje yariye karungu ihita itsinda amanota 23 mu gihe Patriots
BBC yatsinzemo amanota 13. Iki kinyuranyo cy’amanota icumi (10) yo mu gace ka
gatatu yaje kugora Patriots BBC kuba yayakuramo nubwo mu gace ka nyuma (4)
yatsinze amanota 16-12.
Kasongo Junior abura inzira yanyuzamo umupira
Nyuma y’uyu
mukino, ikipe ya Espoir BBC yahise igwiza amanota 17 inganya na REG BBC iri ku
mwanya wa kabiri mu gihe Patriots BBC iri ku mwanya wa mbere n’amanota 18 u
mikino icumi (10).
Umukino
wabanjirije uyu, ikipe ya IPRC Kigali BBC itozwa na Buhake Albert yatsinze UGB
amanota 91-79 bityo IPRC Kigali ihita igira amanota 15 ayicaza ku mwanya wa
kane (4) mu gihe UGB iri ku mwanya wa karindwi (7) n’amanota 13.
Eng
RSS 
TANGA IGITECYEREZO