Healing worship team bagiye kumurika album ya 4 mu gitaramo batumiyemo Gaby Kamanzi n'amatsinda atanu akomeye

Muhoza Budete Kibonke umuyobozi w'amajwi muri Healing worship team yabwiye Inyarwanda.com ko muri iki gitaramo cyabo bazaba bari kumwe na Gaby Irene Kamanzi n'amatsinda atanu akomeye mu muziki wa Gospel hano mu Rwanda ari yo; Gisubizo Ministries, Kingdom of God Ministries, True Promises Ministry, Light Gospel choir na Alarm Ministries.  Rev Can Antoine Rutayisire ni we uzigisha ijambo ry'Imana.

Gaby Kamanzi yatumiwe mu gitaramo cya Healing worship team

Akandi gashya kazaranga iki gitaramo ni uko Healing worship team bazaba bafata amashusho ya album yabo ya kane. Kugeza ubu imyiteguro y'iki gitaramo igeze kure nk'uko Healing worship team ibitangaza. Muhoza Budete Kibonke yagize ati: "Imyiteguro ya concert irarimbanije kandi iri kugenda neza kabone n'ubwo akazi kari imbere kadutegereje ari kenshi Imana iduhora hafi izadushoboza bigende neza."

Healing worship team ni itsinda rikunzwe cyane muri iyi minsi

Muhoza Budete Kibonke yakomeje agira ati; "Ikindi n'uko dukomeje gusengera igiterane kugira ngo hazabemo ubwiza bw'Imana. Agashya karimo ni ubutumwa buzumvikana mu ndirimbo 11 tuzaba dufite kuko ntabwo zisanzwe ni agaseke ni ni ubutumwa buzaba buturutse ku Mana bugenewe abazaba mu gitaramo cyacu ndetse n'abari ku isi hose."

Igitaramo Healing worship team igiye gukora

Igitaramo bakoreye kuri Bethesda Holy church mu ntangiriro za 2017 abantu bari benshi cyane

Muhoza Kibonke umutoza w'amajwi wa Healing worship team

UMVA HANO 'BYOSE BYARAKOZWE' INDIRIMBO NSHYA YA HEALING WORSHIP TEAM

REBA HANO 'KARUVALI' YA HEALING WORSHIP TEAM