Umutoza yahagaritswe amezi 9 azira gusagarira umusifuzi

Uyu mutoza yasagariye umusifuzi witwa Benoit Millot ubwo ikipe ye ya Lyon yatsindaga Brest ibitego 2-1 muri shampiyona.  

Muri uyu mukino Paulo Fonseca yeretswe ikarita y'umutuku ubundi ararakara yegera umusifuzi amureba mu maso mbere y'uko asunikwa na Kapiteni we Corentin Tolisso.

Uyu mutoza yongeye kwegera umusifuzi ku nshuro ya kabiri gusa abakinnyi ba Lyon benshi baragenda baramusunika.

Nyuma y'umukino Paulo Fonseca yasabye imbabazi avuga ko ibyo yakoze atagombaga kubikora gusa ntabwo byabujije ishyirahamwe ry'umupira w'amaguru mu babigize umwuga mu Bufaransa kumufatira ibihano bikomeye byo kumuhagarika amezi 9 adatoza.

Ntabwo yemerewe gutoza umukino n'umwe,kujya mu rwambariro mu mukino ndetse no kugira akandi kazi k'umutoza akarora mbere y'umukino,mu mukino ndetse na nyuma y'umukino kuzageza tariki ya 30 Ugushingo muri uyu mwaka.

Ikipe ya Lyon ntabwo yigeze yishimira ibi bihano aho yo yerekana ko ari amarangamutima yakoresheje umutoza wabo bityo ko igomba no kujurira.

Uko Paulo Fonseca yasagariye umusifuzi 

Paul Fonseca yahagaritswe amezi 9 adatoza