NTIBAGUHENDE: Dore uko ibiciro by’ibiribwa byifashe mu isoko rya Gikondo n'icyo ubuyobozi bw’akarere burivugaho-AMAFOTO

Muri iki gihe abantu benshi ntibavuga rumwe ku izamuka rya hato na hato ry’ibiciro by’ibiribwa ku isoko. Ku gicamunsi cyo kuwa gatatu tariki 19 Ukwakira 2017 Inyarwanda.com yasuye abacuruzi bo mu isoko rya Kigarama Mini market ribaye ricumbikiye abimuwe mu isoko rya Karugira mu gihe isoko nyaryo rya Kigarama ritari ryuzura. Iri soko rimaze icyumweru kimwe ritangiye gukorerwamo,abacuruzi ntibari babona inyungu yaryo ariko byibuze ngo bafite icyizere ko izaboneka ugereranyije n'aho bakoreraga.

Avoka imwe iragurishwa 100Frw

Ikilo cy'ibinyomoro kiragurishwa 1000frw naho icy'indimu kiragurishwa 800frw

Ikilo cy'amatunda kiragurishwa 1400frw

Watermelon (soma wotameroni) imwe iragurishwa 1500frw

Ikilo cy'amacunga kiragurishwa 800frw

Inanasi imwe iragurishwa 400frw

Iseri ry'imineke riragurishwa 500frw

Ikilo cy'urusenda kigurishwa 1000frw ariko ni yo ushaka urwa make uraruhabwa naho poivreau (soma puwavuro) imwe ikagurishwa 50frw cyangwa 100frw bitewe n'ingano yayo.

Ikilo cy'ibitunguru bitukura kiragurishwa 600frw naho iby'umweru bikagurishwa 1200frw

Ikilo cya karoti kiragurishwa 500frw ndetse n'icy'imiteja kikagurishwa 500frw

Ikilo cy'intoryi kiragurishwa 400frw naho icy'inyanya 600frw

Umufungo wa dodo ugurishwa 100frw

Ikilo cy'insambaza kiragurishwa 6000frw ariko n'ufite 100frw baramuha

Ifi yumye bayigurisha bitewe n'ingano yayo naho ikilo cy'amabisi kigurishwa 2800frw

Ikilo cy'ifu y'ubugali kiragurishwa 600Frw

Ikilo cy'ibijumba kiragurishwa 300Frw

Ikilo cy'imyumbati kiragurishwa 300Frw

Ikilo cy'amateke nacyo kiragurishwa 300frw

Ikilo cy'igitoki kiragurishwa 300Frw

Ikilo cy'ibirayi kiragurishwa 300Frw

Ku ruhande rw’abaturiye iri soko bo ni ibyishimo kuko kuva imirimo y’ivugururwa rya Kigarama modern market yatangira aka gace kari karasubiye inyuma ku buryo n’abahafite amazu y’ubucuruzi hafi ya yose yari yarafunze ariko kuri ubu akaba yongeye gufungurwa.

Imirimo yo kubaka iri soko rya kijyambere yatangiye mu mwaka w'2012 ihita ihagarikwa rituzuye. Tuganira kuri telephone n’umuyobozi wungirije ushinzwe ubukungu mu karere ka Kicukiro bwana Bayingana Emmanuel,yatubwiye ko impamvu yatindije imirimo yo kubaka iri soko ari ibibazo bagiranye na rwiyemezamirimo wari watsindiye kuryubaka bakaba bari bakiri kuburana ariko kuri ubu baramutsinze atwizeza ko mu gihe gito rizasubukurwa.

Aha ni ho iri soko ryari ryarimuriwe mu kagali ka Karugira ariko kubera ari mu manegeka hagoraga abakiliya bahitamo kuba barigaruye  hafi y’aho ryahoze ndetse igishushanyo mbonera cy’umujyi wa Kigali kerekana ko hazaterwa ishyamba.