Polisi yo mu karere ka Kanengo mu murwa mukuru wa Malawi, Lilongwe, yataye muri yombi umusore w'imyaka 17 ukekwaho gusambanya umugore w'imyaka 35 ufite uburwayi bwo mu mutwe.
Ibi byabaye ku itariki ya 28 Werurwe 2025, mu masaha ya nyuma y'umunsi, ubwo abavandimwe b'uyu mugore batangaga amakuru kuri polisi, nyuma y'uko umukozi wo mu rugo abonye uyu musore asohoka mu cyumba cy'umugore, yambaye utwenda tw'imbere gusa.
Umukozi yinjiye mu cyumba, asanga agapira kakoreshwaga ndetse n'amaraso ku buriri bw'umugore, bituma hakekwa ko uyu mugore ufite uburwayi bwo mu mutwe yasambanyijwe.
Malawi News Agency ivuga ko umuvugizi wa polisi ya Kanengo, Gresham Ngwira, yavuze ko uyu musore ubu ari mu maboko ya polisi kandi ategerejwe mu rukiko mu minsi mike iri imbere.
Polisi ikomeje gukora iperereza ryimbitse kugira ngo ubutabera bugerweho, hakurikijwe amategeko.
Eng
RSS 
TANGA IGITECYEREZO