Mu gihugu cya Afurika y'Epfo, habaye igikorwa cy'ubugizi bwa nabi cyahitanye Muhsin Hendricks, umuyobozi w'idini ya Islam wamenyekamunye cyane ku Isi kubera kwiyemerera ko ari umutinganyi. Uyu mugabo w'imyaka 57 y'amavuko, akaba yarashwe n'abantu bitwaje intwaro ubwo bari bamuteze mu modoka ye hafi y'umujyi wa Gqeberha.
Hendricks yari ayoboye umusigiti wa Masjidul Ghurbaah mu mujyi wa Cape Town, aho yahaga ikaze Abayisilamu bose, cyane cyane abibasiwe n'ihohoterwa n'ihezwa nk'uko tubikesha face of Malawi.
Urupfu rwe rwateje impagarara aho abaharanira uburenganzira bw'abaryamana bahuje ibitsina basaba inzego z'umutekano gukora iperereza ryimbitse kuri ubu bwicanyi.
Nubwo Afurika y'Epfo ifite amategeko ateye imbere mu kurengera uburenganzira bw'abaryamana bahuje ibitsina, ihohoterwa rikibasira iri tsinda riracyari ku gipimo cyo hejuru.
Imibare yerekana ko mu mwaka wa 2024, habayeho izamuka rya 15% ry'ibikorwa by'ihohoterwa rikorerwa abaryamana bahuje ibitsina muri iki gihugu. Ibi byerekana ko nubwo hari amategeko arengera uburenganzira bwabo, hakiri urugendo rurerure mu guhindura imyumvire ya rubanda no kurandura burundu ibikorwa by'urugomo n'ihezwa.
Muhsin Hendricks, kuva yajya ahagaragara mu 1996, yahariye ubuzima bwe guhuza ukwemera kwe n'ubuzima bwe bwite, agerageza gufasha abandi Bayisilamu b'abatinganyi kubona umwanya mu idini no mu muryango mugari.
Eng
RSS 
TANGA IGITECYEREZO