Ikipe ya Arsenal yaciwe amande y'amafaranga asaga Miliyoni 65 z'Amafaranga y'u Rwanda ku bwo kunanirwa kugenzura abakinnyi bayo ku ikarita y'umutuku iheruka guhabwa aho basagariye umusifuzi.
Mu kwezi kwashize kwa Mutarama hari umukino Arsenal yatsinzemo ikipe ya Wolves igitego 1-0 cya Ricardo Calafiori ku munota wa 74.
Muri uyu mukino myugariro w'ikipe y'abarashi,Myles Lewis-Skelly yabonye ikarita y'umutuku ku ikosa yari akoreye Matt Doherty ku munota wa 43.
Ubwo uyu mukinnyi yari agihabwa ikarita itukura, abakinnyi ba Arsenal barimo Declan Rice bahise buzura Michael Oliver bamwereka ko gutanga iyi karita bitari bikwiye.
Ubusanzwe ibi ntabwo byemewe, none ku munsi w'ejo ku wa Mbere tariki ya 17 Gashyantare, Ishyirahamwe ry'umupira w'amaguru mu Bwongereza raciye Arsenal amande y'Ibihumbi 65 by'Amapawundi nyuma y'uko yari yayisabye ibisobanuro.
Nubwo byagenze gutya ariko iyi karita y'umutuku yakuwe kuri Myles Lewis-Skelly nyuma Arsenal y'uko ijuriye.
Arsenal imaze guhabwa amakarita ane y'imituku muri uyu mwaka w'imikino ndetse ninayo kipe imaze kubona menshi muri Premier League.
Declan Rice yawubonye bakina na Brighton,Leandro Trossard awubona bakina na Manchester City naho William Saliba awubona bakina na Brentford.
Abakinnyi ba Arsenal basagariye umusifuzi none iyi kipe yaciwe amande
Gusagarira umusifuzi mu Bwongereza ntabwo byemewe
Eng
RSS 
TANGA IGITECYEREZO