Rutahizamu w'ikipe y'igihugu ya Portugal na Al Nassr yo muri Arabia Saudite, Cristiano Ronaldo, arashinjwa ubwambuzi n'umuganga ukora ibijyanye n'ubwiza aho avuga ko hari ibihumbi 40 by'Amayero atamwishyuye.
Uyu muganga witwa Dr Roshan Ravindran ariko akaba azwi nka Dr Rosh usanzwe ukorera mu gihugu cy'u Bwongereza, avuga ko yahaye Cristiano Ronaldo nabo mu muryango we serivise zo kwita ku ruhu rwabo ubwo yasubiraga muri Manchester United mu 2021 na 2022.
Nk'uko ikinyamakuru The Sun cyabyanditse, Dr.Roshan Ravindran avuga ko muri rusange iyo abaze agaciro k'ibyo yakoze kangana n'ibihumbi 40 by'Amayero bikaba byanatumye afata umwanzuro wo gutanga ikirego kirega uyu mukinnyi kumwambura.
Uyu muganga ni umwe mu bakomeye batanga serivise zo kwita kuruhu mu Bwongereza dore ko ariwe ukunze kwita ku bakinnyi b'umupira w'amaguru, abayobozi batandatukanye ndetse n'abakinnyi ba filime muri iki gihugu.
Kuri ubu hategerejwe kurebwa niba Cristiano Ronaldo azitaba iki kirego cyangwa niba azavugana n'uyu muganga akamwishyura amafaranga ye mu bwumvikane.
Uyu mukinnyi arasubira mu kibuga kuri uyu wa Kabiri ubwo ikipe ye ya Al Nassr iraba ikina na Al-Gharafa yo muri Qatar mu mikino ya Champions League yo ku Mugabane wa Aziya.
Cristiano Ronaldo arashinjwa kwambura umuganga ukora ibijyanye no kwita ku ruhu
Dr Roshan Ravindran uvuga ko Cristiano Ronaldo amufitiye ibihumbi 40 by'Amayero atamwishyuye
Eng
RSS 
TANGA IGITECYEREZO