Indirimbo 'Yakoze imirimo' ya Niyonkuru yongeye kuba nshya mu matwi y’abo Imana yarinze - VIDEO

Ibyanditswe byera bivuga ibitangaza Imana yakoze ku buzima bwa benshi harimo na Eric Niyonkuru. Mu gitabo cyo Kuva 15:3 haravuga ngo ‘Uwiteka ni intwari mu ntambara, Uwiteka ni ryo zina rye.’  No muri Zaburi 30:3 hakavuga ngo ‘Uwiteka Mana yanjye, Naragutakiye urankiza.’ Ibi nibyo byabaye imbarutso yo kwandika no gutegura umushinga w’indirimbo yo gushima Imana mu mpera z’uyu mwaka. Mu kiganiro yagiranye na InyaRwanda, uyu muramyi yagarutse ku gisobanuro cy’indirimbo  yise‘Yakoze Imirimo’. 

Aganira na InyaRwanda, Niyonkuru yagize ati: “Ibi bihe byatambutse hari abo Imana yarinze mu buryo bumwe cyangwa ubundi, yewe twe ntitwanamenye aho basengeye gusa twifatanyije n’inshuti n’abavandimwe bacu gushima Imana.”

Avuga ko muri iyi minsi benshi buzuye amashimwe y’ibyo Imana yakoze muri uyu mwaka, gusa nabatarasubizwa mu myaka yashize bafite ikimenyetso k’ibyo Imana yakoze ndetse babonesheje amaso yabo ibyo bibahesha kuyigirira ikizere ko nibyo itarakora izabikora.

Uyu muramyi ufite agaseke kuzuye ibihangano, avuga ko mu ntangiriro z’umwaka mushya azashyira hanze indirimbo yakoranye n’umuryango we. Yatangaje ko akataje mu bikorwa by’umuziki wo kuramya no guhimbaza Imana, akaba arangamiye ku mushinga wa Album ye ya mbere.

Eric Niyonkuru usanzwe ari n’inzobere mu itangazamakuru, amaze amezi atandatu atangiye ibikorwa bya muzika yo kuramya no guhimbaza Imana, kuri ubu afite indirimbo ebyiri; 'Ataenda,' ndetse n’iyi yise 'Yakoze imirimo' yashyize hanze.

Umuramyi Eric Niyonkuru yavuze uko yakoze indirimbo ishingiye ku mashimwe

Ni indirimbo ikubiyemo amashimwe y'uburinzi bw'Imana ku bantu bayo

">Kanda hano urebe indirimbo 'Yakoze imirimo' ya Eric Niyonkuru