NBA: Cleveland Cavaliers yisubije icyubahiro, Boston Celtics iguma guhatana -VIDEO

Ikipe ya Cleveland Cavaliers yerekanye ko ikomeye kurusha izindi muri NBA ubwo yatsindaga Toronto Raptors amanota 122-108 mu gitondo cyo kuri uyu wa mbere, ikomeza gushimangira umwanya wa mbere mu makipe akomeye.

Ibyafashije Cleveland Cavalieers gutsinda uyu mukino, harimo abakinnyi nka Donovan Mitchell na Ty Jerome bombi batsinze amanota 26, mu gihe Jarrett Allen yongeyeho amanota 23 na Rebound 13.

Gutsinda uyu mukino byatunye Cleveland Cavaliers yuzuza imikino 17 batsinze kuri umwe batsinzwe, kandi batsinze imikino yose icumi bakiniye mu rugo. Mitchell watsinze amanota menshi yagize ati: “Ni ahantu hatandukanye gukinira. Abafana bacu batwereka urukundo rukomeye kandi bituma twitwara neza mu kibuga.”

Ku ruhande rwa Toronto Raptors, Gradey Dick na Scottie Barnes buri wese yatsinze amanota 18, ariko ntibyabujije ikipe yabo gutsindwa.

Ku rundi ruhande, ikipe ya Boston Celtics yatsinze Minnesota Timberwolves amanota 107-105 mu mukino wabanjirije uwa Cleveland. Jaylen Brown yatsinze amanota 29 naho Jayson Tatum yongeyeho 26, bifasha ikipe kwiyongera  k'umubare w’imikino itsinzwe igera kuri 14 mu 17 yakinnye.

Brown yakoze ikinyuranyo hasigaye umunota 1 n’amasegonda 16 ubwo yatsindaga amanota atatu yatumye ikipe ye igira 107, irusha Minnesota amanota abiri kandi ariyo yari imbere irusha Celtics inota rimwe.

Anthony Edwards yagerageje kuzamura ikipe ye atsinda amanota 28, ariko Boston yagaragaje gukorana neza nk’ikipe nk’uko umutoza Joe Mazzulla yabisobanuye ati: “Twagaragaje imbaraga mu kurinda no gufata ibyemezo byiza. Yari intsinzi dukesha ubufatanye bwa buri wese.”

I Miami, abafana bari banezerewe cyane ubwo ikipe yabo yatsindaga Dallas Mavericks amanota 123-118. Jimmy Butler yerekanye ko ari intwari, atsinda amanota 33 ndetse agatanga indi mipira itandatu yafashije abandi gutsinda.

Butler yakoze dunk y’ingenzi cyane hasigaye amasegonda 4.1 ngo umukino urangire, bigatuma Heat banganya na Mavericks 114-114 maze bongeraho agace ka Gatanu. Bam Adebayo yatsinze amanota atatu yatumye Miami iyobora mu gace ka gatanu, naho Tyler Herro yongeyeho amanota 18.

Ku ruhande rwa Dallas Mavericks, Kyrie Irving yakoze uko ashoboye atsinda amanota 27, ariko ntibyashoboye guhindura amahirwe yabo.

Mu yindi mikino yakinwe mu gitondo cyo kuri uyu wa Mbere muri NBA, Los Angeles Clippers yatsinze Philadelphia 76ers amanota 125-99 iyobowe na James Harden, wahoze akinira Philadelphia 76ers, watsinze amanota 23. Indiana Pacers yo yatsinze Washington Wizards amanota 115-103, iyobowe na Pascal Siakam n’amanota 22 ndetse na Tyrese Haliburton, watsinze amanota 21.