Impuzamashyirahamwe y'umupira w'amaguru ku Isi, FIFA yafatiye ibihano Perezida w'ishyirahamwe ry'umupira w'amaguru muri Cameroon(Fecafoot) ,Samuel Eto'o.
Uyu munyabigwi w'umupira w'amaguru uyobora Fecafoot kuva muri 2021 yafatiwe ibihano byo kuba atemerewe kujya kuri Stade kureba imikino y'ikipe y'igihugu ya Cameroon haba mu bagabo ndetse no mu bagore mu byiciro byose mu gihe kingana n'amezi atandatu.
FIFA yasobanuye ko impamvu yamufatiye ibihano ari ukubera ibirego bibiri bijyanye n'umukino wa 1/8 cy’igikombe cy'Isi cy’abagore bari munsi yimyaka 20 wahuje ikipe y'igihugu ya Cameroon na Brazil muri uku kwezi kwa Nzeri.
Nta bisobanuro birambuye ku miterere y'ibyabaye byatanzwe, ariko itangazo ryatanzwe na komite ishinzwe imyitwarire muri FIFA rivuga ko Eto'o yahamwe n'icyaha cyo kurenga ku myitwarire no kurenga ku mahame ya FIFA.
Ibi bihano bije nyuma y'ibyo uyu munyabigwi yafatiwe n'impuzamashyirahamwe y'umupira w'amaguru ku mugabane w'Afurika,CAF ,bitewe n'ibyaha yari yahamijwe birimo kugena ibiva mu mikino ndetse no kurenga ku mahame y'imyitwarire no kutaba inyangamugayo.
Icyo gihe CAF yari yamuciye amafaranga angana n'ibihumbi 200 by'amadolari ya Amerika. Samuel Eto'o yanyuze mu makipe akomeye arimo FC Barcelona yamazemo imyaka 5 akanayandikiramo amateka aho yatwaranye nayo ibikombe bikomeye birimo 2 bya Champions League.
Eng
RSS 
Samuel Eto'o wafatiwe ibihano na FIFA byo kumara amezi atandatu atajya kureba imikino y'ikipe y'igihugu ya Cameroon kuri Stade 
TANGA IGITECYEREZO