Impuzamashyirahamwe y'umupira w'amaguru ku Mugabane wa Afurika, CAF, yagiranye amasezerano na televiziyo zizajya zerekana imikino yayo zirimo televiziyo mpuzamahanga y’imikino yo muri Afurika y’Epfo, Supersport.
Kuri uyu wa Mbere tariki ya 30 Nzeri 2024 nibwo CAF yatangaje ko yamaze kumvikana na Super Sports nyuma y'uko yari yaratanze ubusabe bwayo.
Iyi televiziyo izerekana imikino ya CAF Champions League,CAF Women’s Champions League, CAF Confederation Cup ndetse n'iya CAF Super Cup 2024-25 mu buryo busaba kwishura.
CAF kandi yatangaje ko televiziyo ya 'South African Broadcasting Corporation' (“SABC”) na Azam zo zizajya zerekana aya marushanwa ku buryo bw'ubuntu.
Mu ijambo rye Perezida wa CAF,Dr Patrice Motsepe yavuze ko ubwiyongere mu bijyanye no guhangana mu mupira wa Afurika aribyo byatumye hari ibitangazamakuru byumva byawinjiramo.
Ati" Ubwiyongere buri hejuru no guhangana ku mupira w'amaguru muri Afurika byatumye ibitangazamakuru mpuzamahanga n'ibyo muri Afurika byumva byawinjiramo.
SuperSport, SABC na Azam Media nibo bitabiriye guhatanira isoko ry'uburengazira bwo gutangaza imikino itegurwa na CAF. CAF ibahaye ikaze bose nk'abafatanyabikorwa, binjiye mu mubare w'abafite uburenganzira bwitangazamakuru rya CAF.".
Imikino ya CAF Champions League y'umwaka ushize wa 2023 abayireba kuri televiziyo muri Afurika y'Epfo biyongereyeho 25 % mu gihe Afurika y'Iburasirazaba n'Iburengerazuba ho hiyongereyo 40% haba kuri televiziyo no ku zindi mbuga zerekana imikino.
Eng
RSS 
TANGA IGITECYEREZO