Umukinnyi w'Umufaransa, Rafael Varane wakiniye amakipe arimo Real Madrid na Manchester NH yasezeye kuri ruhago burundu mu buryo butunguranye nyuma y'uko agize ikibazo cy'imvune.
Uyu mukinnyi yasezeye ku mupira w'amaguru kuri uyu wa Gatatu taliki ya 25 Nzeri 2024 abinyujije ku mbuga nkoranyambaga ze. Yavuze ko mu buzima bwe bw'umupira w'amaguru yahuye n'imbogamizi nyinshi, ibihe bidasanzwe, ibyo kwibuka bityo ko asezeye kuri ruhago burundu.
Yavuze ko kandi nta cyo yicuza ndetse ko ibikombe yatwaye n'ibyo yagezeho biruta ibyo yarotaga anashimira abakinnyi bakinanye, abatoza bamutoje n'abafana bose b'amakipe yanyuzemo.
Rafael Varane w'imyaka 31 yatangiye gukina ruhago muri 2010 ahereye mu ikipe y'abato ya Lens yiwabo mu Bufaransa nyuma ajya mu nkuru.
Muri 2011 yerekeje muri Real Madrid ayikinira kugeza muri 2021 atwatana nayo ibikombe birimo bitay bya shampiyona ya Espagne, bine bya Champions League na bitatu hya UEFA Super Cup.
Muri 2021 yerekeje muri Manchester United ayivamo mu mpeshyi y'uyu mwaka akaba yaratwaranye nayo igikombe 1 cya FA cup ndetse n'icya Carabao Cup.
Kuri ubu Rafael Varane yakiniraga ikipe ya Como yo muri shampiyona y'icyiciro cya mbere mu Butaliyani. Uyu mukinnyi yanakiye ikipe y'igihugu y'u Bufaransa aho yatwaranye nayo igikombe cy'Isi cya 2018 ndetse n'icya UEFA Nations League ya 2021.
Eng
RSS 
TANGA IGITECYEREZO