Ahabanza Imikino

U Rwanda n'ibindi bihugu 5 bazahatanira umwanya umwe wo gukina CHAN 2024

Yanditswe na: Aloys Niyonyungu
Taliki:24/09/2024 19:09 0

Ikipe y'igihugu y'u Rwanda, Amavubi,iya Ethiopia,U Burundi, Djibouti, Sudani niya Sudani y'Epfo bazahatanira umwanya umwe wo gukina imikino ya CHAN ya 2024.

Biteganyijwe ko hagati ya tariki ya 1-28 z'ukwezi kwa Kabiri mu mwaka utaha aribwo hazakinwa imikino ya Shampiyona Nyafurika y'ibihugu ihuza abakinnyi bakina muri Shampiyona z'iwabo (CHAN 2024) ikazakinirwa mu bihugu 3 aribyo Tanzania,Kenya na Uganda.

Imikino yo gushaka itike y'iri rushanwa rya CHAN yo biteganyijwe ko ijonjora ry'ibanze rizakinwa hagati ya tariki ya 25 na 27 Ukwakira naho iyo kwishyura igakinwa hagati ya tariki ya 1-3 Ugushingo. Ni mu gihe iy'ijonjora rya kabiri ibanza izakinwa hagati ya 20-22 naho iyo kwishyura igakinwa hagati ya tariki ya 27-29 Ukuboza.

Muri iyi mikino yo gushaka itike ya CHAN 2024,amakipe y'ibihugu azakina bigendanye n'agace aherereyemo aho buri gace kazatanga amakipe atatu azagahagararira usibye agace ka Afurika y'Iburasirazaba ko kazatanga amakipe ane.

Impamvu CECAFA izatanga amakipe ane ni ukubera ko amakipe y'ibihugu atatu azakira ariho aturuka kandi yo n'ubundi akaba afite itike. Ubwo bivuze ko ikipe y'igihugu y'u Rwanda,iya Ethiopia,U Burundi, Djibouti, Sudani niya Sudani y'Epfo bo bazahatanira umwanya umwe.

Muri rusange amakipe azitabira CHAN ya 2024 ni 19 nyuma y'uko muri WAFU A, WAFU B, UNAF, UNIFFAC na COSAFA hazaba havuyeno ibihugu bitatu