Mu gihe habura igihe gito ngo habe amatora ya Perezida wa USA, Donald Trump uhagarariye ishyaka ry'abarepubulikani yavuze ko natsindwa atazongera na rimwe kwiyamamaza ndetse ko ariho urugendo rwe muri Politiki ruzaba rurangiriye.
Ibi yabitangaje ubwo yaganiraga n’ikinyamakuru Sinclair Media Group, yabajijwe niba ateganya kongera kwiyamamaza igihe yaba atsinzwe na Visi Perezida Kamala Harris, umukandida w'ishyaka ry'abademokarate. Trump yagize ati: "Oya, simbiteganya. Ndatekereza...ko bizaba birangiye.Ibyo kongera kwiyamamaza simbibona na gato''. Gusa nubwo yavuze gutya, yongeyeho ko "twizeye ko tuzatsinda cyane".
Amategeko y'Amerika abuza abaperezida gutegeka manda zirenze ebyiri, rero Trump ntiyitezwe kongera kwiyamamaza mu mwaka wa 2028, n'iyo yaramuka atsinze amatora yo muri uyu mwaka wa 2024.
Mu gihe cyashize, uyu muherwe ufite imari mu rwego rw'ubwubatsi ni gake cyane yemeye ko bishoboka ko yatsindwa amatora, akenshi yagiye atera akanyabugabo abamushyigikiye akoresheje imbwirwaruhame n'ubutumwa bwo ku mbuga nkoranyambaga asezeranya intsinzi mu matora.
Iyi ibaye inshuro ya kabiri mu minsi ine akomoje ku kuba bishoboka ko yatsindwa. Ni mu gihe Kamala Harris bahanganye we akomeje kwerekana ko yizeye itsinzi.
Trump yavuze ko natsindwa mu matora y’uyu mwaka atazongera kwiyamamaza
Eng
RSS 
TANGA IGITECYEREZO