Al-Hilal yagaragaje ko Neymar Jr ari kugaruka mu bihe bye

Neymar Jr wageze muri Al-Hilal muri 2023, nta gikomeye yayifashije, kuko mu mwaka we wa mbere, yagize imvune bisabye umwaka wose kugira ngo ikire.

Gukira kwa Neymar Jr, Al-Hilal yabigaragaje ibinyujije kuri Instagram y'iyi kipe, igaragaza Neymar Jr ari mu myitozo, ndetse arekura amashoti, barenzaho ko mu minsi mike aza kugaruka mu kibuga. 

Abaganga b'ikipe y'igihugu ya Brazil, ubwo uyu mukinnyi yavunikaga, bari bateganyijwe ko imvune ya Neymar yazakira mu Gushyingo 2024, gusa kubera kwitabwaho neza, uyu mukinnyi ageze muri Nzeri ari mutaraga. 

Mu mpeshyi ya 2023, nibwo Neymar Jr yagiye muri Al-Hilal avuye muri Paris Saint-Germain aguzwe Miliyoni 90£. 

Ku itariki 18 Ukwakira 2023, nibwo Neymar Jr yavunikiye mu mukino wahuzaga ikipe y'igihugu ya Brazil na Uruguay, mu mikino yo gushaka itike y'Igikombe cy'Isi cya 2026 kizabera muri Leta Zunze Ubumwe za Amerika, Canada na Mexico. 

Kugeza ubu twavuga ko Neymar Jr yarumbiye Al-Hilal, kuko yayikiniye imikino 5, atsinda igitego kimwe, atanga imipira itatu yabyaye ibindi bitego. 

Neymar Jr yavunikiye mu ikipe y'igihugu ya Brazil 

Abaganga bari bagaragaje ko imvune ya Neymar Jr yazakira mu Gushyingo 2024