Trent Alexander-Arnold ashaka kugura ikipe ikomeye mu Bufaransa ihangana na za PSG

Umwongereza w'imyaka 25 y'amavuko, Trent Alexander-Arnold, yamaze kugaragaza ko ari mu baherwe bashaka kugura ikipe yo mu gace ka Nantes, ni ikipe ya Nantes ikina icyiciro cya muri Shampiyona y'u Bufaransa League 1

Iyi nkuru yahise isamirwa hejuru n'ibinyamakuru nka L'Equipe, The Mirror, Daily Sports, Sky Sports ndetse n'ibindi, yavuze ko uyu myugariro ukomoka mu Bwongereza, yagaragaje ko azishyura miliyoni 100£ mu kugura ikipe ya Nantes.

Umuherwe ukomoka muri Pologne Waldemar Kita, yafashe umwanzuro wo gushyira Nantes ku isoko, nyuma y'ibibazo by'ubukungu iyi kipe yagiye ihura nabyo, bikanayibangamira mu musaruro. 

Ikinyamakuru The Mirror, cyatangaje ko myugariro Trent Alexander-Arnold, yamaze kuvugana n'umuberwe Waldemar Kita, ariko ibiganiro bikaba yarabaye mu buryo bw'ikoranabuhanga. 

Iyi kipe ya Nantes ishobora kujya mu biganza bya Trent Alexander-Arnold, mu mikino ine imaze gukina muri Shampiyona y'u Bufaransa League 1 2024-25, imaze gusarura amanota 7, iri ku mwanya wa Munani. 

Mu gihe Alexander-Arnold yakwegukana ikipe ya Nantes, abakinnyi baba bakomeje kwigarurira amakipe yo mu Bufaransa, nyuma y'uko mu minsi ishyize na Kylian Mbappe aherutse kugura ikipe ya Caen ikina icyiciro cya kabiri mu Bufaransa. 

Trent Alexander-Arnold ashaka kugura Nantes yo mu Bufaransa