Ikipe ya APR FC yashyize hanze ibiciro by'umukino uzayihuza na Pyramids yo mu Misiri mu mukino w'ijonjora rya Kabiri rya CAF Champions League habura iminsi 10.
Taliki ya 13 z'uku kwezi nibwo biteganyijwe ko ikipe ya APR FC izakira Pyramids yo mu Misiri kuri Stade Amahoro mu mukino ubanza w'ijonjora rya Kabiri rya CAF Champions League.
Uramutse ubaze neza harabura iminsi 10 uyu mukino ukaba ariko iyi kipe y'Ingabo z'igihugu yashyize amatike hanze ku bifuza kuzareba uyu mukino.
Aya matike agabanyibe mu byiciro bitandatu, aho ahasanzwe hejuru ari 2000 Frw naho n'ahasanzwe hasi hakaba ari 2000 Frw.
VIP ni ibihumbi 10 Frw naho VVIP ni 30 Frw. Mu cyiciro cya ‘Executive Seat’ ni ibihumbi 100 Frw, mu gihe ‘Executive Box’ ifite imyanya 13 ari ibihumbi 900 Frw.
Aya matike azagurishwa gutya kugeza kuri taliki ya 12 naho nyuma yaho ibiciro byayo byiyongere. Kuyagura ni ugukanda *939# ubundi ugakurikiza amabwiriza.
Ikipe ya APR FC yageze mu ijonjora rya kabiri rya CAF Champions League nyuma yuko isezereye Azam FC mu ijonjora ry'ibanze.
Umukino ubanza wari warangiye Azam FC itsinze igitego 1-0 naho uwo kwishyura wakiniwe muri Stade Amahoro urangira APR FC itsinze ibitego 2-0 ihita ikomeza gutyo ku kinyuranyo cy'ibitego 2-1.
Ikipe ya APR FC izakina na Pyramids nyuma yuko no mu mwaka ushize bari bahuye ariko iyi kipe yo mu Misiri ikayisezerera iyinyagiye ibitego 6-0.
APR FC yashyize hanze ibiciro by'umukino uzayihuza na Pyramids
Eng
RSS 
TANGA IGITECYEREZO