Mutsinzi Ange yafashije ikipe ye kunyagira FC DAC 1904 muri Europa Conference League

Ni mu mukino wabaye ku munsi w'ejo ku wa Kane Saa kumi n'ebyiri n'igice ubera kuri Dalga Arena Baku aho ikipe ya FC Zira isanzwe n'ubundi yakirira imukino wayo.

Uyu mukino w'ijonjora rya Kabiri mu irushanwa rya Europa Conference League 2024-25 warangiye ikipe ya FC Zira yo muri Azberjuan itsinze FC DAC 1904 Dunajská Streda yo muri Slovakia ibitego 4-0.

Ni ibitego byatsinzwe n'uwitwa Raphael Utzig ku munota wa 29,Martins Junior ku munota wa 31, Davit Volkovi ku munota wa 51 ndetse nuwa 53.

Muri uyu mukino, umukinnyi w'Umunyarwanda usanzwe ukinira FC Zira yari yabanje mu kibuga ndetse yewe arangiza n'iminota yose y'umukino. Uyu ni umukino wa kabiri abanjemo kuva yerekeje muri iyi kipe mu ntangiriro z'uku kwezi.

FC Zira yagiye muri Conference League nyuma y'uko isezerewe na FC Sheriff mu ijonjora ry'ibanze rya Europa League iyitsinze kuri penaliti. 

Biteganyijwe ko izakina umukino wo kwishyura na FC DAC 1904 Dunajská Streda tariki ya 1 z'ukwezi gutaha kwa 8.

Mutsinzi Ange yari mu bakinnyi babanje mu kibuga ndetse yanarangije umukino 

Mutsinzi Ange na bagenzi be bishimira igitego 

FC Zira yatsinze ibitego 4-0