Ibihangage byahoze bikinirwa Manchester United, byacakiranye n'ibyahoze bikinira Celtics, amakipe yombi aranganya, Manchester United igwa muri Penaliti.
Kuri uyu wa Gatandatu kuri Stade ya Manchester United Old Trafford, abahoze bakinira Manchester United bakinnye n'abahoze bakinira Celtic bagwa miswi.
Abanyabigwi babanje mu kibuga ku ruhande rwa Man Utd ni Van der Gouw, Bardsley, Johnsen, Silvestre, Simpson; Djemba-Djemba, Carrick, Fletcher, Valencia, Berbatov na Rooney.
Ku ruhande rwa Celtic ababanje mu kibuga ni Boruc, Lustig, Wilson, Mulgrew, McManus, Hayes, Petrov, Ledley, Samaras, Vennegoor of Hesse link na Hooper.
Ni umukino abakunzi ba Manchester United bongeye kubona ubuhanga budasanzwe bwa Wayne Rooney, Michael Carrick, Dimitar Berbatov, Antonio Valencia, ndetse n'abandi bayifashije kugera kuri byinshi bikomeye cyane.
Uyu mukino warangiye ari igitego kimwe kuri kimwe ku mpande zombi, aho icya Manchester United cyatsinzwe kuri kufura ikomeye cyane ya Wayne Rooney, icya Celtic cyo gitsindwa na Gary Hooper.
Nyuma y'uko umukino urangiye amakipe yombi anganya igitego kimwe kuri kimwe, hiyambajwe Penaliti, nuko Celtic itsinda eshanu kuri Enye za Manchester United.
Abanyabigwi ba Manchester United bakinnye n'aba Celtic
Wayne Rooney yatsinze kufura yibutsa abafana ibitego yatsindaga
Abakinnyi banyuze muri Manchester United bongeye guhurira kuri Old Trafford bakinirayo umukino wa gicuti
Eng
RSS 
TANGA IGITECYEREZO