Agezweho mu binyamakuru: Bayern Munich yiyemeje kwegukana Joao Palhinha, West Ham ihanga amaso Max Kilman

Amakuru agezweho mu mikino ku mugabane w'iburayi by'umwihariko ku isoko ry'igura n'igurisha, tuyahereye mu Kinyamakuru Sky Sports yo mu Budage cyatangaje ko Bayern Munich yatangarije Fulham ko itazarenga hagati ya Miliyoni 38 na 39£ igura igura Umunya Portugal Joao Palhinha.

The Guardian yatangaje ko West Ham United yiteguye gutanga Miliyoni 35£ kuri uyu myugariro wa Wolves, Max Kilman. Sky Sports ikorera mu Bwongereza, yatangaje ko Manchester United iteganya gutangira ibiganiro na Eric Ten Hag, bijyanye no kongera amasezerano muri iyi kipe.

Gazetta dello Sports yatangaje ko Chelsea yifuza miliyoni 37 kuri Rutahizamu wayo ukomoka mu Bubiligi, Romelu Lukaku uri muri AS Roma ku ntizanyo.

Caught Offside yatangaje ko Paris Saint-Germain na FC Barcelona zishaka uko za kwegukana rutahizamu Julian Alvarez wa Manchester City. Izamwegukana izaba ikoze akazi gakomeye cyane, kubera ko Manchester City ntabwo ishaka kurekura uyu mukinnyi.

Gazetta dello Sports kandi yavuze ko AC Milan ishaka Umwongereza ukinira AS Roma, Tammy Abraham.

Dail Mail yanditse ko Juventus na Bayern Munich zifuza Umunya Nigeria Ademola Lookman, ukinira Atlanta mu Butaliyani. Dail Mail yakomeje ivuga ko uyu mukinnyi yifuzwa n'andi makipe akomeye yo mu Bwongereza.

Sky Sports mu Budage yanditse ko Bayern Munich yageze muri Bayer Leverkusen, yifuza myugariro wayo Jonathan Tah. Uyu Jonathan, ni umwe mu bakinnyi bafashije Bayer Leverkusen kwegukana ibikombe cya Shampiyona idatsinzwe umukino n'umwe.

Bayern Munich yamaramaje irashaka Joao Palhinha 

Manchester United iri gutegura ibiganiro byo kongera amasezerano ya Eric Ten Hag