Umukinnyi w'ikipe y'igihugu y'u Rwanda, Amavubi ,Hakim Sahabo usanzwe akinira Standard de Liege yo mu Bubiligi ashobora kwerekeza mu ikipe ya Leicester City yo muri Premier League.
Ni inkuru yatangajwe n'ikinyamakuru cyo mu Bubiligi cyitwa L'Avenir kuri uyu wa Gatanu tariki ya 28 Kamena 2024.
Iki Kinyamakuru cyavuze ko ikipe ya Leicester City itari yatanga ubusabe bwayo mu buryo bweruye ko ishaka Hakim Sahabo mu ikipe ye ya Standard de Liege ariko irimo iramugenda runono ndetse inabaza amakuru ye kugira ngo ibone gutangira kujya mu biganiro.
Ntabwo ari iyo kipe yagarutse mu cyiciro cya mbere mu Bwongereza muri uyu mwaka yonyine ishaka uyu mukinnyi w'ikipe y'igihugu y'u Rwanda, Amavubi ahubwo hari n'andi makipe akomeye amwifuza arimo Eintracht Frankfurt ndetse na Hoffenheim z'ikina shampiyona y'icyiciro cya mbere mu Budage.
Mu gihe byaramuka bikunze Hakim Sahabo w'imyaka 19 akerekeza muri Leicester City yatangwaho agera kuri miliyoni 5 z'Amayero.
Uyu mukinnyi yerekeje muri Standard de Liege mu mwaka ushize avuye mu ikipe y'abato ya Lille yo mu Bufaransa ,ahera mu ikipe y'abato yitwara neza ikina icyiciro cya kabiri mu Bubiligi gusa nyuma aza kuzamurwa mu nkuru kubera kwitwara neza.
Hakim Sahabo ushobora kwerekeza muri Leicester City
Eng
RSS 
TANGA IGITECYEREZO