Injira mu byaranze uyu munsi mu mateka

Hari byinshi biba byarabaye kuri iyi tariki mu bihe byashize, ariko buri munsi InyaRwanda yiyemeje kujya ikugezaho bimwe mu by’ingenzi byayiranze mu mateka.

Bimwe mu byaranze uyu munsi mu mateka:

1360: Muhammed wa VI yabaye Umwami wa Granada nyuma yo kwica muramu we Ismail wa II.

1461: Edward IV yambitswe ikamba ry’ubwami aba Umwami w’u Bwongereza.

1776: Thomas Hickey wari mu barinzi b’uwari Perezida wa Leta Zunze Ubumwe za Amerika, George Washington, yaramanitswe azira ubugambanyi no kwigomeka.

1882: Nyuma y’ibiganiro byahuriyemo u Bufaransa n’u Bwongereza, byashyizeho imipaka igabanya Guinea na Sierra Leone.

1894: Umunsi w’Abakozi wagizwe ikiruhuko muri Leta Zunze Ubumwe za Amerika.

1914: Igikomangoma Francois Ferdinand n’umugore we biciwe i Sarajevo, ibintu byahise biba imbarutso y’Intambara ya mbere y’Isi.

1948: Umwirabura wari umukinnyi w’iteramakofi, Dick Turpin, yatsinze Vince Hawkins maze aba umwirabura wa mbere ufite ubwenegihugu bw’u Bwongereza utsinze iryo rushanwa.

1950: Umurwa mukuru wa Koreya y’Epfo wafashwe n’ingabo za Koreya ya Ruguru.

1964: Malcolm X yashinze Umuryango w’Ubumwe bw’abirabura b’Abanyamerika.

1976: Urukiko rwo muri Angola rwahanishije igihano cy’urupfu ba kabuhariwe mu kurasa b’Abanyamerika n’Abongereza.

1981: Igisasu gikomeye cyaturikiye mu murwa mukuru wa Iran gihitana abayobozi 73 b’ishyaka rya kisilamu.

1987:Bwa mbere mu mateka ya gisirikare, abaturage barashweho ibisasu bya kirimbuzi ubwo indege z’intambara za Iraq zatwikaga umujyi wa Sardasht wo muri Iran.

2004: Guverinoma ya Iraq yahawe ububasha bwo kuyobora iki gihugu nyuma y’igihe cyari kimaze kiyoborwa na Leta Zunze Ubumwe za Amerika.

2009: Muri Honduras, agatsiko ka gisirikare kahiritse ku butegetsi Perezida Manuel Zelaya.

2016: Igitero cy’ubwiyahuzi muri Turikiya ku kibuga cy’indege ‘Istanbul Atatürk Airport’ cyahitanye abantu 42 abandi barenga 230 barakomereka.

Bamwe mu bavutse kuri iyi tariki:

1491: Umwami Henry VIII w’u Bwongereza.

1943: Klaus von Klitzing, Umudage wahawe igihembo cyitiriwe Nobel.

1991: Kevin De Bruyne, umukinnyi w’umupira w’amaguru ukinira Manchester City yo mu Bwongereza akaba akomoka mu Bubiligi.

Bamwe mu bitabye Imana kuri iyi tariki:

2015: Jack Carter, Umunyamerika wari umunyarwenya ndetse n’umukinnyi wa filime.

2016: James David "Buddy" Ryan, yahoze ari umutoza w’umupira w’amaguru wo muri Amerika.