Filime 10 zaranze Kamena udakwiye gucikwa kureba

Kamena iri kugana ku musozo yaranzwe n'impinduka nyinshi muri Sinema mpuzamahanga bitewe na filime zitandukanye zari zitezwe na benshi zasohotse. 

Ni ukwezi kwaranzwemo n'isohoka rya filime nyinshi gusa hakabamo zimwe zakunzwe kurusha izindi, izari zitegerejwe cyane ndetse n'izabashije guca agahigo ko kwinjiza amafaranga menshi ku munsi wa mbere zishyizwe ku isoko.

Nk'uko The New York Times ibitangaza, buri kwezi Diesel Labs igaragaza filime 10 zarebwe cyane n'izinjije amafaranga menshi ku rwego mpuzamahanga, yaba izakozwe na sitidiyo zikomeye nka Sony Pictures, Warner Bros, Paramount, kuva kuzatunganijwe na Netflix, Amazon, Hulu n'izindi kompanyi zitunganya zikanerekana filime.

Ku ikubitiro uru rutonde ruyobowe n'igice cya Kane cya filime yaciye ibintu yitwa 'Bad Boys', igice gishya cyitwa 'Ride or Die' gikinwa n'ibyamamare Will Smith na Martin Lawrence ari nabo batangiye kuyikina kuva mu 1995.

'Bad Boys:Ride or Die' yari itegerejwe na benshi yaciye agahigo ko kwinjiza Miliyoni 289 z'Amadolari ku munsi wa mbere igeze ku isoko, mu gihe yari yashowemo Miliyoni 100 z'Amadolari. Ibi byatumye ihita ica agahigo ko kwinjiza Miliyari 1 y'Amadolari mu bice 4 by'iyi filime imaze gusohora kuva mu 1995.