Miss Sabine Mutabazi yateye imitoma Kevin Musemakweli bari mu munyenga w’urukundo

Inkuru y’urukundo rwa Sabine Mutabazi yatangiye kugarukwaho muri Mutarama 2023, icyo gihe aba bombi bari bahererekanije ku mbuga nkoranyambaga amagambo aryohereye.

Kuri uyu wa 31 Gicurasi 2024 ubwo Kevin Shafi Musemakweli yizihizaga isabukuru, Mutabazi Sabine yaramuzikiranye. Mu buryo bwe uyu mukobwa yatangiye abwira uyu musore ko icyo bafite gikomeye kandi cyahawe umugisha ari urukundo.

Yamubwiye ko yumva ari byiza kumugira iruhande rwe kandi yishimira ko ari umusore uzi gukora kandi w’umuhanga, ubundi ashyira amarangamutima y’indani hanze.

Miss Sabine ati: ”Umutima wawe uvugana n’uwanjye mu rurimi wumva. Kandi kugukunda ni nko kubaho mu buzima bwiza by’iteka.”

Iyi mitoma idasanzwe yayisoje yifuriza isabukuru n’umugisha uwo akunda Sabine abwira Musemakweli ati: ”Umunsi mwiza w’amavuko rukundo rwanjye, uko wampinduriye ubuzima ni ntagereranywa. Imana iguhe umugisha rukundo rwanjye. Ndagukunda.”

Sabine Mutabazi wamamaye mu marushanwa y’ubwiza, avuka mu muryango w’abana 2, akaba ataragize umugisha wo kurerwa n’ababyeyi bombi.

Mama we yitabye Imana, Se akomeza kumuba hafi aramukundwakaza.

Ni umwe mu bakobwa b’urufatiro muri Kigali Protocal aho ayobora ishami ryayo muri Canada, akaba Umwanditsi wayo. Mu bintu ashyira imbere harimo isengesho.Sabine Mutabazi yazirikanye Kevin Shafi Musemakweli umukunzi we wizihije isabukuru y'amavukoSabine yakomoje ku kuba umutima we wumva ururimi rw'uwo akunda urwo Imana yabahaye ikanaruha umugisha