Ikipe ya Kicukiro yegukanye Igikombe Cy’irushanwa ry’Intwari mu bagabo no mu bagore mu mukino wa wheelchair Basketball.
Ni mu mikino yakinwe kuri iki Cyumweru tariki ya 26 Mutarama 2025 muri Gymnase ya NPC Rwanda i Remera.
Iri rushanwa ryitabiriwe n'amakipe arindwi arimo ane y'abagabo n'andi atatu y'abagore. Mu bagabo ni Kicukiro, Gasabo, Musanze na Indahangarwa. Mu bagore ni Kicukiro, Gasabo na Move Dream.
Mu cyiciro cy'abagabo ikipe ya Kicukiro yatsinze Gasabo amanota 30-20 naho Musanze itsinda Indangamirwa amanota 29-24 zihita zerekeza ku mukino wa nyuma.
Kuri uyu mukino wa nyuma byarangiye Kicukiro itsinze Musanze amanota 49 kuri 30 ndetse ihita inegukana igikombe. Ikipe yegukanye umwanya wa gatatu ni Gasabo yatsinze Indangamirwa amanota 39 kuri 17.
Mu cyiciro cy'Abagore, Kicukiro yatsinze Move Dream amanota 48-6 ihita yerekeza ku mukino wa nyuma isanzeyo Gasabo. Kuri uyu mukino wa nyuma Kicukiro yatsinze Gasabo amanota 32 kuri 6 ihita yegukana igikombe.
Eng
RSS 
TANGA IGITECYEREZO