Zidane afite ijambo rimwe ryo gusobanura Lionel Messi

Ntabwo bikunze kuba kenshi ko wabona umukinnyi wakiniye Real Madrid ataka uwakiniye FC Barcelona ariko byaraye bibaye. 

Zinedine Zidane ubwo ejo yahuriraga mu kiganiro na Lionel Messi cyateguwe n'uruganda rwa Adidas rusanzwe rukora imyambaro, yaramutatse amubwira ko afite ijambo rimwe ryo kumusobanura nubwo abafana ba Real Madrid bashobora kuba bitabashimishije.

Uyu mufaransa watwaranye na Real Madrid ibikombe bitandukanye haba ayikinira cyangwa ayitoza yagize ati "Ni ijambo rimwe gusa: 'ntabwo asanzwe '. Kubera ko amaherezo, icyo nshaka gusobanura ni Lionel Messi. Ntabwo dukunda kuba turi kumwe buri munsi rero uyu ni umunsi w'ingenzi kuri njye kuko nshobora kumubwira uko mwubaha".  

"Abantu bose bakunda umupira kandi abo bantu baratandukanye. Kuri njye ntekereza ko ari umuntu udasanzwe, udasanzwe gusa. Mbere yuko yakira umupira, aba azi igikwiye gukorwa. Kuri njye, ni umuntu wumva umupira cyane. Iyo ndi kukureba mu kibuga wowe Messi mba nzi icyo ugiye gukora".

Muri iki kiganiro kandi Zidane yibukije uyu munya-Argentine ko mu bitego by'igenzi amaze gutsinda kugeza ubu mu buzima bwe bw'umupira w'amaguru harimo 2 yatsinze u Bufaransa ku mukino wa nyuma w'igikombe cy'Isi ariko Lionel Messi nawe ahita amwibutsa ko yabikoze atsinda ku mikino 2 ya nyuma y'igikombe cy'Isi none we akaba yarabikoze rimwe.

Lionel Messi ari muri Real Madrid nk'umukinnnyj ndetse nk'umutoza yagiye ahurira na Lionel Messi muri El Clasico mu gihe yari agikina muri FC Barcelona.

Zinedine Zidane wakiniye Real Madrid akanayitoza yavuze ko afite ijambo rimwe ryo gusobanura Lionel Messi 

Zidane yabwiye Messi ko ari umuntu udasanzwe mu Isi y'umupira w'amaguru