Women World Cup: Espagne yageze ku mukino wa nyuma

Uyu mukino wabereye kuri Eden Park Stadium, wasifuwe na Edina Alvarez Batista ukomoka muri Brazil. Ni umukino warebwe n'abafana 43,217.

Abakinnyi babanje mu kibuga ku ruhande rwa Espagne ni Catalina Coll, Ona Batlle, Irene Paredes, Laia Cadina, Olga Colmona, Aitana Bonmati, Teresa Abelleira, Alexia Putellas, Alba Redondo, Jenifer Hermoso na Maria Caldentey.

Ku ruhande rwa Suede abakinnyi bari babanje mu kibuga ni Zecira Musovic, Jonna Andersson, Magdalena Erikson, Amanda Ilestedt, Gun Nathalie Bjorn, Flippa Angeldal, Elin Rubensson, Fridolina Rolfo, Kosovare Asllani, Johanna Kaneryd, Stina Blackstenius.

Igice cya Mbere cy'umukino cyarangiye amakipe yombi anganya ubusa ku busa. Mu gice cya Kabiri amakipe yombi yagumye gusatira ariko biguma kugorana ibitego birabura.

Byatwaye iminota 81 ngo Paralluelo abonere igihugu cya Espagne igitego cya mbere. Ibyishimo bya Espagne byamaze iminota irindwi gusa kuko ku munota wa 88 Blomqvist yahise yishurira Suwede maze amakipe yombi anganya igitego kimwe kuri kimwe.

Nyuma y'iminita ibiri Suede yishyuye igitego, Comana wa Espagne yongeye kubabaza abanya Suede ku munota wa 90, Espagne ihita igira ibitego bibiri kuri kimwe cya Suede. Ni nako umukino waje kurangira Espagne ikatishije itike yo gukina umukino wa nyuma mu Bari n'abategarugori.

Ikipe y'igihugu ya Espagne itegereje ikipe izarokoka hagati ya Australia n'u Bwongereza. Na Suede itegereje ikipe izarokoka kugira ngo zizakinire umwanya wa Gatatu.

Ikipe y'igihugu ya Espagne mu bari n'abategarugori, yageze ku mukino wa nyuma mu gikombe cy'isi kiri kubera muri Australia na New Zealand. Ubu Espagne itegereje ikipe izarokoka hagati y'u Bwongereza na Australia